ព័ត៌មានអន្ដរជាតិ
ទីបំផុត ទាហានអាមេរិក ទម្លាយខ្ទេច អំពីដំណើររឿង ចុះចាប់លោក សាដាម ហ៊ូសេន ដល់រូងក្រោមដី
នៅក្នុងបទសម្ភាសន៍មួយ ទាហានជើងចាស់ផ្នែកប្រតិបត្តិការពិសេសម្នាក់ បានចែករំលែកព័ត៌មានលម្អិតថ្មី អំពីដំណើររឿងនៃការចាប់ខ្លួនលោក សាដាម ហ៊ូសេន ពោលគឺរយៈពេលជិត២០ឆ្នាំ បន្ទាប់ពីបេសកកម្មសម្ងាត់។
ឧត្តមសេនីយ៍ទោ Kevin Holland ដែលជាមេបញ្ជាការកងទ័ពចូលនិវត្តន៍ បាននិយាយថា ក្រុមការងារ Delta Force របស់គាត់ បានប្រាប់អតីតប្រធានាធិបតីអ៊ីរ៉ាក់ និងជាមេដឹកនាំផ្តាច់ការថា លោកប្រធានាធិបតី Bush សូមគោរពគាត់ នៅពេលពួកគេ ទាញគាត់ចេញពីរូងក្រោមដី ជាកន្លែងដែលគាត់លាក់ខ្លួនក្នុងឆ្នាំ២០០៣។
លោក Holland បានពណ៌នាអំពីបេសកកម្មនេះ ក្នុងភាគមួយនៃ Podcast ដែលរៀបចំដោយទាហានជើងចាស់នៃកងនាវាចរឈ្មោះ “Danger Close”។
គាត់និយាយថា កងកម្លាំងពិសេសរបស់គាត់ បានទទួលព័ត៌មានសម្ងាត់ ដែលនាំពួកគេទៅដល់រូងក្រោមដីក្នុងទីក្រុងកសិកម្មតូចមួយ នៅប្រទេសអ៊ីរ៉ាក់។
រូងនោះត្រូវបានគ្របដោយស្លឹកឈើ និងខ្សាច់ ហើយភ្ជាប់ជាមួយនឹងស្នោ ដើម្បីបិទបាំងទីតាំង។ លោក Holland និយាយថា រូងនោះមានបំពង់តូចមួយ ដើម្បីឲ្យមានអុកស៊ីសែនចេញចូល។
លោក Holland និងក្រុមរបស់គាត់ បានរករូងនោះឃើញ ហើយដកស្នោចេញ បន្ទាប់មកក៏ឃើញមានក្រាលឥដ្ឋមួយជាន់ទៀត ហាក់ដូចជាមាននរណាម្នាក់កំពុងលាក់ខ្លួននៅក្នុងនោះ។ ពួកគេបានគប់គ្រាប់បែកចូលទៅក្នុងនោះ ហើយបន្ទាប់មកបានឮសំឡេងនិយាយភាសាអារ៉ាប់ កាន់តែខ្លាំងឡើងៗ។
បន្ទាប់ពីនោះ ឃើញដៃឈោងចេញពីរូង ហើយឃើញក្បាលមនុស្សមានសក់សំពោង។ ក្រោយមក លោក Holland បានចាប់បោចសក់ ហើយអូសមនុស្សចេញមក។ នោះគឺជាលោក សាដាម ហ៊ូសេន។
ពេលនោះ លោក សាដាម មានប្រដាប់ដោយកាំភ្លើងខ្លី Glock 18 ដូច្នេះសមាជិកម្នាក់ទៀតរបស់ Delta Force បានយកកាំភ្លើងចេញ។ ជនផ្តាច់ការបានព្យាយាមអង្វរករដល់ក្រុមអាមេរិក។
លោក Holland ប្រាប់ថា “លោក សាដាម គ្រាន់តែនិយាយថា គាត់គឺជាប្រធានាធិបតីអ៊ីរ៉ាក់ ហើយគាត់បានត្រៀមខ្លួនរួចជាស្រេចដើម្បីចរចា។ គាត់និយាយជាភាសាអង់គ្លេស”។ តែអ្វីៗហួសពេលទៅហើយ។
គួរបញ្ជាក់ថា តំណែងជាប្រធានាធិបតីរបស់លោក សាដាម ត្រូវបានញាំញីដោយការចោទប្រកាន់ ពាក់ព័ន្ធការរំលោភសិទ្ធិមនុស្សជាច្រើន រួមទាំងការសម្លាប់មនុស្សប្រមាណ ២៥ ម៉ឺននាក់ផងដែរ៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ តាមពិតការចាប់ខ្លួនលោក សាដាម ហ៊ូសេន កាលពី ១៨ ឆ្នាំមុន ជារឿងប្រឌិត
ហុងគ្រីបញ្ជាក់ពីជំហរពង្រឹងទំនាក់ទំនងជាមួយកម្ពុជា ដោយឈរលើការគោរព និងជឿទុកចិត្តគ្នា
PanCake ថា បុគ្គលិកម្នាក់របស់ក្រុមហ៊ុនសេវាដឹកជញ្ជូនល្បីមួយ មាក់ងាយខ្លួនដោយសម្តីមិនសមរម្យ
រដ្ឋកំពុងជំរុញគ្រឹះស្ថានធនាគារ និងហិរញ្ញវត្ថុផ្តល់ឥណទានបន្ថែមដល់វិស័យកសិកម្ម
ហ្សេលេនស្គី ពិបាកចិត្ត ថា បើអាមេរិកផ្តាច់ជំនួយមែន អ៊ុយក្រែន មិនដឹងរស់បានឬអត់
សម្ដេចតេជោព្រមានបញ្ចេញឯកសារទំនាក់ទំនងជាមួយលោក សេង សារី
តារាចិន វ័យ២៧ឆ្នាំ ស្លាប់ដោយសារជំងឺដូចគ្នាជាមួយ Barbie Hsu
អ្នកនាំពាក្យ បញ្ជាក់ពីស្ថានភាពអ្នករងរបួសក្នុងហេតុការណ៍ឆេះក្លឹបកម្សាន្ដ មីតណាយព្រីមៀរ កាលពីម្សិលមិញ
អភិបាលរងរាជធានី ស្នើឱ្យសមត្ថកិច្ច និងម្ចាស់ខុនដូរ អាផាតមិន សណ្ឋាគារ ផ្ទះសំណាក់ និងផ្ទះជួល សហការគ្នា គ្រប់គ្រងវត្តមានជនបរទេសឱ្យបានល្អ
មុនីនាគ ជាប់ឈ្មោះជាតារាចម្រៀងប្រុស មានសមត្ថភាពច្រៀងភាសាអង់គ្លេសល្អបំផុត
តាមពិតបាត់មុខយូរ តួជំនាន់ចាស់ Chintara ប្រាប់ថា ចាញ់បោកលុយក្នុងជំនួញនៅ ថៃ-ចិន
-
សន្តិសុខសង្គម២ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៧ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៦ ថ្ងៃ agoធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?