ចិន គំរាមសងសឹក ចំពោះប្រទេសណា ដែលដាក់កំហិតកូវីដ លើអ្នកដំណើររបស់ខ្លួន

ទីក្រុងប៉េកាំង បានគំរាមចាត់វិធានការសងសឹកចំពោះប្រទេសមួយចំនួន ដូចជាចក្រភពអង់គ្លេសជាដើម បន្ទាប់ពីមានការដាក់កំហិតកូវីដថ្មី លើអ្នកដំណើរដែលមកពីប្រទេសចិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យក្រសួងការបរទេសចិន លោកស្រី Mao Ning បាននិយាយកាលពីថ្ងៃអង្គារទី០៣ខែមករាថា “យើងជឿថា ការរឹតបន្តឹងការចូល ដែលអនុម័តដោយប្រទេសមួយចំនួន ផ្តោតលើប្រទេសចិន គឺខ្វះមូលដ្ឋានវិទ្យាសាស្រ្ត ហើយការអនុវត្តហួសហេតុមួយចំនួន គឺកាន់តែមិនអាចទទួលយកបាន។ យើងសូមប្រឆាំងយ៉ាងខ្លាំង​ ចំពោះការប៉ុនប៉ងរៀបចំវិធានការកូវីដ សម្រាប់គោលបំណងនយោបាយ ហើយនឹងចាត់វិធានការតបតវិញ ដើម្បីសងសឹក”។

អ្នក​ដែល​មក​ពី​ចិន​ចូល​អង់គ្លេស ​ត្រូវ​ធ្វើ​តេស្ត​រកកូវីដ អវិជ្ជមានសិន ​មុន​ពេល​ចូលបាន។ យ៉ាង​ណា​មិញ កាលពី​​ថ្ងៃអង្គារទី០៤ខែមករា រដ្ឋ​មន្ត្រី​ខុទ្ទកាល័យ​បាន​ប្រកាស​ថា អ្នក​ធ្វើ​ដំណើរ​ដែល​ធ្វើ​តេស្ត​វិជ្ជមាន​ចំពោះ​មេរោគ​កូវីដ១៩ ក្រោយ​មក​ពី​ប្រទេស​ចិន នឹង​មិន​ត្រូវ​បង្ខំឲ្យ​ធ្វើចត្តាឡីស័ក​ឡើយ។

នាយកដ្ឋានសុខភាព និងការថែទាំសង្គមរបស់ចក្រភពអង់គ្លេស បាននិយាយថា ប្រទេសចិនត្រូវជួបប្រទះនឹងច្បាប់ថ្មីនេះ ដោយសារតែកង្វះព័ត៌មានសុខភាពដ៏ទូលំទូលាយ ព្រោះប្រព័ន្ធផ្សព្វផ្សាយរដ្ឋរបស់ចិន នៅតែបន្តព្យាយាមចុះផ្សាយសម្រាលភាពធ្ងន់ធ្ងរនៃការផ្ទុះឡើងនាពេលបច្ចុប្បន្ននេះ។

លោក Chen Erzhen អនុប្រធានមន្ទីរពេទ្យ Ruijin ក្នុងទីក្រុងសៀងហៃ និងជាសមាជិកនៃក្រុមប្រឹក្សាអ្នកជំនាញកូវីដរបស់ទីក្រុង ត្រូវបានដកស្រង់សម្តីដោយនិយាយថា ៧០ភាគរយនៃទីក្រុងនេះ អាចឆ្លងមេរោគកូវីដ១៩៕

ប្រែសម្រួល៖ Vann Vann

ប្រភព៖ Yahoo

ចុចអាន៖ ទេសចរធ្វើដំណើរក្នុងប្រទេស ចិន ធ្លាក់ចុះខ្លាំង ចំពេលមានការកើនឡើង កូវីដ