ភ្ញាក់ផ្អើល Jack Ma ទៅ បាងកក មើលប្រដាល់ Muay Thai

កាលពីពេលថ្មីៗនេះ មហាសេដ្ឋីចិន Jack Ma ត្រូវបានគេប្រទះឃើញទៅមើលការប្រកួតប្រដាល់ Muay Thai ក្នុងបន្ទប់ VIP នៅកីឡដ្ឋាន Rajadamnern ក្នុងទីក្រុងបាងកក ប្រទេសថៃ ហើយថែមទាំងបានថតរូប និងបញ្ចេញក្បាច់គុនជាមួយអ្នកប្រដាល់ថៃ Buakaw Banchamek ផងដែរ ។

ការបង្ហាញខ្លួនជាសាធារណៈរបស់លោក Jack Ma នេះបានកើតឡើង បន្ទាប់ពីមហាសេដ្ឋីរូបនេះបានចំណាយពេលជាង ៦ ខែរស់នៅជាមួយគ្រួសារក្នុងទីក្រុងតូក្យូប្រទេសជប៉ុន ក្រោយបាត់ខ្លួនពីភ្នែកសាធារណជន ដោយសារការបង្រ្កាបរបស់រដ្ឋាភិបាលចិនលើវិស័យបច្ចេកវិទ្យា ។

ក្នុងអំឡុងពេលស្នាក់នៅប្រទេសជប៉ុននោះ លោក Jack Ma ក៏បានធ្វើដំណើរចេញចូលទៅកាន់សហរដ្ឋអាមេរិក អេស្ប៉ាញ និងអ៊ីស្រាអែលផងដែរ ។

គួរបញ្ជាក់ថា លោក Jack Ma គឺជាសហស្ថាបនិក និងជាអតីតប្រធានប្រតិបត្តិនៃក្រុមហ៊ុន Alibaba Group ជាក្រុមហ៊ុនបច្ចេកវិទ្យាចម្រុះរបស់ចិន ដែលមានឯកទេសខាងពាណិជ្ជកម្មអេឡិចត្រូនិក ៕

ប្រែសម្រួលដោយ ៖ ជីវ័ន្ត

ប្រភព ៖ Straits Times

ចុចអាន ៖ អារ៉ាប៊ីសាអូឌីត បិទភ្នែកបិទច្រមុះឲ្យ Ronaldo និងមិត្តស្រីនៅជាមួយគ្នាបាន ទោះបំពានច្បាប់ប្រទេសក៏ដោយ