ព័ត៌មានអន្ដរជាតិ

ហេតុការណ៍រថភ្លើងក្រោមដីបុកគ្នានៅ ម៉ិកស៊ិក កើនដល់ ៥៧ នាក់

បានផុស

២ years មុន

នៅ

ថ្ងៃអាទិត្យ ៨ មករា ២០២៣

ដោយ

មនុស្សចំនួន ៥៧នាក់បានរងរបួស និងស្លាប់១នាក់ ដោយសាររថភ្លើងក្រោមដីបុកគ្នានៅទីក្រុងម៉ិចស៊ីកូ កាលពីថ្ងៃសៅរ៍ នេះបើយោងតាមបញ្ជីដែលបង្ហាញដោយលេខាធិការសន្តិសុខសាធារណៈរបស់ទីក្រុង ដោយលោក Omar Garcia Harfuch ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅព្រឹកថ្ងៃដដែល រថភ្លើងពីរបានបុកគ្នានៅលើរថភ្លើងក្រោមដីទី ៣ របស់ទីក្រុងម៉ិកស៊ិក។ ភ្លាមៗប្រព័ន្ធផ្សព្វផ្សាយបានរាយការណ៍ថា មនុស្សម្នាក់បានស្លាប់និង ១៤ នាក់បានរងរបួសនៃឧប្បត្តិហេតុនេះ ខណៈមនុស្ស៤នាក់ត្រូវបានគេរាយការណ៍ថាជាប់ក្នុងទូរថភ្លើង ហើយអ្នកទាំងអស់ត្រូវបានជួយសង្គ្រោះ បច្ចុប្បន្ននេះប៉ូលិសកំពុងស៊ើបអង្កេតលើហេតុការណ៍នេះផងដែរ។

លោក Harfuch បាននិយាយនៅលើ Twitter កាលពីថ្ងៃសៅរ៍ថា “តាមការណែនាំរបស់ប្រមុខរដ្ឋាភិបាល Claudia Sheinbaum យើងបានធ្វើបច្ចុប្បន្នភាពបញ្ជីនៃការផ្ទេរមន្ទីរពេទ្យជាមួយនឹងឈ្មោះជនរងគ្រោះ និងកន្លែងដែលពួកគេត្រូវបានផ្ទេរ ហើយអ្នករបួសចំនួន ៥៧ គឺមានអាយុចន្លោះពី ១៦ ទៅ ៩៣ ឆ្នាំ។

សូមរម្លឹកដែរថា មានឧបទ្ទវហេតុធំចំនួន៤បានកើតឡើងលើរថភ្លើងក្រោមដីទីក្រុងម៉ិកស៊ិកក្នុងរយៈពេល ៣ ឆ្នាំចុងក្រោយនេះ។ ឧប្បត្តិហេតុមួយក្នុងចំណោមឧប្បត្តិហេតុគឺការបុករថភ្លើងនៅស្ថានីយ៍ Tacubaya កាលពីថ្ងៃទី ១០ ខែមីនាឆ្នាំ ២០២០ ដែលបណ្តាលឲ្យមនុស្សម្នាក់បានស្លាប់និង ៤១ នាក់បានរងរបួស៕

ប្រែសម្រួល៖ សាង ស្រីល័ក្ខ

ប្រភព៖sputnik

ចុចអាន៖ក្រុមកូនស្ដេចគ្រឿងញៀន El Chapo កំពុងបង្កការបង្ហូរឈាមសម្លាប់មនុស្ស ២៩ នាក់ (មានវីដេអូ)