គីម ជុងអ៊ុន ប្រារព្ធខួបកំណើតលើកទីមួយយ៉ាងសោះកក្រោះ

លោក គីម ជុងអ៊ុន កំពុងប្រារព្ធខួបកំណើតលើកទី១នៅថ្ងៃអាទិត្យនេះ ដោយគ្មានអ្នកគាំទ្រយ៉ាងសោះកក្រោះ និងគ្មានការប្រារព្ធពិធីផ្លូវការណាមួយត្រូវបានគ្រោងទុកទេ ព្រោះកាលបរិច្ឆេទមិនមែន​ជាថ្ងៃបុណ្យជាតិ។

មេដឹកនាំកូរ៉េខាងជើង​រូប​នេះ​ បច្ចុប្បន្នត្រូវបានគេដឹងថាលោកមានអាយុ៣៩ ឆ្នាំ ប៉ុន្តែមិនដឹងច្បាស់លាស់នោះទេ ខណៈ​ថ្ងៃកំណើតរបស់ជីតា​គឺលោក Kim Il Sung និងឪពុក Kim Jong Il គឺជាថ្ងៃបុណ្យជាតិ។

ទោះយ៉ាងណា ​ទូរទស្សន៍រដ្ឋកូរ៉េខាងជើងថ្មីៗនេះ បានបង្ហាញរូបថត​របស់លោក គីម ជាមួយ​នឹង​កូនស្រី​របស់​លោក។ ចំណែកនៅក្នុងផ្ទៃខាងក្រោយ មានក្បាលគ្រាប់ជាង ២០សម្រាប់មីស៊ីលផ្លោង Hwasong-12 រយៈចម្ងាយមធ្យម។ ក្រុមអ្នកសង្កេតការណ៍និយាយថា លោក គីម មានបំណង​អភិវឌ្ឍកម្មវិធីនុយក្លេអ៊ែរ និង​មីស៊ីលរបស់​ប្រទេស​នេះបន្ថែមទៀត។

គួរបញ្ចាក់ថា ក្នុងអំឡុងសុន្ទរកថាមួយកាលពីចុងខែធ្នូ លោកបានសង្កត់ធ្ងន់​លើតម្រូវការសម្រាប់​ក្បាលគ្រាប់នុយក្លេអ៊ែរបន្ថែមទៀត និងការអភិវឌ្ឍមីស៊ីលផ្លោងអន្តរទ្វីបថ្មី៕

ប្រែសម្រួល៖ សាង ស្រីល័ក្ខ

ប្រភព៖NHK