ថ្ងៃនេះ ថៃរកឃើញអ្នកឆ្លងកូវីដ ២១២ ករណី ខណៈឆ្លងក្នុងស្រុកចំនួន ១៨៧ ករណី

រដ្ឋាភិបាលថៃបានរាយការណ៍ថា នៅថ្ងៃសៅរ៍នេះប្រទេសថៃបានរកឃើញអ្នកឆ្លងថ្មីនៃជំងឺកូវីដ ១៩ ចំនួន ២១២ ករណី ដោយក្នុងនោះការឆ្លងក្នុងតំបន់មានចំនួន ១៨៧ ករណី ហើយនាំឲ្យករណីឆ្លងសរុបក្នុងប្រទេសនេះកើនលើស ១០,០០០ ករណី ខណៈគ្មានអ្នកស្លាប់ថ្មីនោះទេ ។

ទន្ទឹមនោះលោក Taweesilp Visanuyothin អ្នកនាំពាក្យមជ្ឈមណ្ឌលគ្រប់គ្រងស្ថានភាពជំងឺកូវីដ ១៩ (CCSA) បានជំរុញឲ្យប្រជាជនទាញយកកម្មវិធីទូរស័ព្ទ Mor Chana ដើម្បីជួយអាជ្ញាធរក្នុងការតាមដាន និងត្រួតពិនិត្យរកមេរោគនេះ ។

គិតត្រឹមថ្ងៃសៅរ៍នេះប្រជាជនសរុប ១.៦៨ លាននាក់បានទាញយកកម្មវិធីទូរស័ព្ទស្មាតហ្វូនដែលការប្រើប្រាស់នេះត្រូវបានបង្ខំឲ្យអនុវត្តនៅក្នុងខេត្តចំនួន ៥ ដែលរងផលប៉ះពាល់ខ្លាំង ។

គួរបញ្ជាក់ថា បច្ចុប្បន្នប្រទេសថៃមានករណីឆ្លងជំងឺកូវីដ ១៩ ចំនួន ១០,០៥៣ ករណី និងមានអ្នកស្លាប់ចំនួន ៦៧ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Bangkok Post

ចុចអាន ៖ អគារប៉ុស្តិ៍ទូរទស្សន៍លេខ ៣ ថៃត្រូវបិទទ្វារ ក្រោយបុគ្គលិកឆ្លងកូវីដ

ចុចអាន ៖ ថៃត្រៀមផលិតវ៉ាក់សាំងកូវីដសម្រាប់ចែកចាយប្រទេសជិតខាង