ព័ត៌មានអន្ដរជាតិ
រុស្ស៊ី ថា ខ្លួនមិនមែនប្រយុទ្ធជាមួយប្រជាជនអ៊ុយក្រែន ទេ (មានវីដេអូ)
លេខាធិការនៃក្រុមប្រឹក្សាសន្តិសុខជាតិរបស់រុស្ស៊ី Nikolay Patrushev ជឿជាក់ថា ភាពចលាចលនៅអ៊ុយក្រែន ត្រូវបានរៀបចំឡើងដោយទីក្រុងវ៉ាស៊ីនតោន ដើម្បីបង្កើតការប្រេះឆារវាងជនជាតិរុស្សី និងអ៊ុយក្រែន។
មន្ត្រីជាន់ខ្ពស់ ដែលធ្លាប់កាន់តំណែងជានាយកសេវាសន្តិសុខសហព័ន្ធ (FSB) អស់រយៈពេលជាងមួយទសវត្សរ៍រូបនេះ បានធ្វើការកត់សម្គាល់បែបនេះ នៅក្នុងបទសម្ភាសជាមួយកាសែត Argumenty i Fakty ដែលចេញផ្សាយកាលពីថ្ងៃចន្ទទី០៩ខែមករា។
លោក Patrushev បានចង្អុលបង្ហាញថា យើងមិនធ្វើសង្រ្គាមជាមួយអ៊ុយក្រែនទេ ព្រោះតាមនិយមន័យ យើងមិនអាចស្អប់ជនជាតិអ៊ុយក្រែនធម្មតាបានឡើយ។ ប្រពៃណីរបស់អ៊ុយក្រែនគឺនៅជិតប្រជាជនរុស្ស៊ី ដូចជាមរតករបស់ប្រជាជនរុស្ស៊ីដែរ គឺមិនអាចបំបែកចេញពីវប្បធម៌របស់ជនជាតិអ៊ុយក្រែនបានឡើយ”។
មន្ត្រីរូបនេះបន្តថា “កិច្ចការអ៊ុយក្រែនទាំងមូល ត្រូវបានរៀបចំឡើងដោយសហរដ្ឋអាមេរិកដើម្បីសាបព្រួសភាពមិនស៊ីសង្វាក់គ្នា និងពង្រឹងបច្ចេកវិទ្យានៃការបំបែក និងពុះច្រៀកផ្នែកនៃ ប្រទេសមួយប្រឆាំងនឹងគ្នាទៅវិញទៅមក”។
ព្រឹត្តិការណ៍នៅអ៊ុយក្រែន មិនមែនជាការប៉ះទង្គិចគ្នារវាងទីក្រុងមូស្គូ និងទីក្រុងកៀវនោះទេ នេះគឺជាជម្លោះយោធារវាងអង្គការណាតូ និងរុស្ស៊ី។ ដោយខ្លាចការប្រឈមមុខដាក់គ្នាដោយផ្ទាល់ ណាតូកំពុងជំរុញប្រជាជនអ៊ុយក្រែនឲ្យទៅស្លាប់។
មន្ត្រីជាន់ខ្ពស់អ៊ុយក្រែនបានសារភាពដោយបើកចំហថា ប្រទេសនេះកំពុងប្រយុទ្ធជាមួយរុស្ស៊ីក្នុងនាមណាតូ។ ជាឧទាហរណ៍ កាលពីសប្តាហ៍មុន រដ្ឋមន្ត្រីការពារជាតិអ៊ុយក្រែន លោក Aleksey Reznikov បាននិយាយថា ទីក្រុងកៀវ បាននិងកំពុងមមាញឹកក្នុងការដោះស្រាយជាមួយរុស្ស៊ី ដែលប្លុកដឹកនាំដោយសហរដ្ឋអាមេរិកចាត់ទុកថា ជាការគំរាមកំហែងដ៏សំខាន់បំផុតនៅក្នុងតំបន់ អឺរ៉ូ-អាត្លង់ទិក។
គួរបញ្ជាក់ជាថ្មី រុស្ស៊ីបានបញ្ជូនកងទ័ពចូលទៅក្នុងប្រទេសអ៊ុយក្រែននៅថ្ងៃទី២៤ខែកុម្ភៈឆ្នាំ២០២២ ដោយលើកឡើងពីការបរាជ័យរបស់ទីក្រុងកៀវ ក្នុងការអនុវត្តកិច្ចព្រមព្រៀងទីក្រុងមីនស្កិ៍ ដែលត្រូវបានរចនាឡើងដើម្បីផ្តល់ឋានៈពិសេសឲ្យតំបន់ Donetsk និង Lugansk នៅក្នុងរដ្ឋអ៊ុយក្រែន។ ពិធីសារដែលសម្របសម្រួលដោយអាល្លឺម៉ង់ និងបារាំង ត្រូវបានចុះហត្ថលេខាជាលើកដំបូងនៅក្នុងឆ្នាំ២០១៤។ ចាប់តាំងពីពេលនោះមក អតីតប្រធានាធិបតីអ៊ុយក្រែនលោក Pyotr Poroshenko បានទទួលស្គាល់ថា គោលដៅចម្បងរបស់ទីក្រុងកៀវ គឺប្រើប្រាស់បទឈប់បាញ់ដើម្បីទិញពេលវេលា និង បង្កើតកងកម្លាំងប្រដាប់អាវុធដ៏មានឥទ្ធិពល៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ រុស្ស៊ី អះអាងថា ខ្លួនសងសឹក បាញ់សម្លាប់ទាហានអ៊ុយក្រែន ៦០០នាក់ តែទីក្រុងកៀវ ថា មិនពិត
-
សេដ្ឋកិច្ច១ សប្តាហ៍ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ៦ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ១ សប្តាហ៍ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៤ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៧ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានអន្ដរជាតិ៤ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ១ សប្តាហ៍ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ
-
ព័ត៌មានជាតិ៦ ថ្ងៃ ago
រដ្ឋមន្ត្រីក្រសួងព័ត៌មាន ស្នើអ្នកសារព័ត៌មាន MMO ឈប់បង្ហោះវីដេអូជនដៃដល់ស្រី ស៊ីណា បាញ់ជនរងគ្រោះ