ប្រជាជនប្រេស៊ីល រាប់ម៉ឺននាក់ ប្រមូលផ្តុំគ្នា ថ្កោលទោសកុបករ

មនុស្សរាប់ម៉ឺននាក់នៅប្រទេសប្រេស៊ីល បានរៀបចំការប្រមូលផ្តុំគាំទ្រលទ្ធិប្រជាធិបតេយ្យ ក្នុងការឆ្លើយតបយ៉ាងខឹងសម្បា ចំពោះការលុកលុយរបស់អ្នកគាំទ្រអតីតប្រធានាធិបតី Jair Bolsonaro នៅអគារសភា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងទីក្រុង Sao Paulo, ហ្វូងមនុស្សបានស្រែកថា លោក Bolsonaro ត្រូវតែជាប់គុក។

មនុស្សប្រហែល ១៥០០នាក់ ត្រូវបានចាប់ខ្លួន​ ពាក់ព័ន្ធការបះបោរកាលពីថ្ងៃអាទិត្យទី០៩ខែមករា នៅក្នុងរដ្ឋធានី ប្រាស៊ីលីយ៉ា។

ភាពចលាចលបានកើតឡើងមួយសប្តាហ៍ បន្ទាប់ពីលោកប្រធានាធិបតី Luiz Inácio Lula da Silva ស្បថចូលកាន់តំណែង ក្រោយការបោះឆ្នោតខែតុលា។

កាលពីល្ងាចថ្ងៃចន្ទ មេដឹកនាំថ្មីអាយុ៧៧ឆ្នាំរូបនេះរួមជាមួយអភិបាលនៃប្រទេស បានទៅពិនិត្យមើលអគារសភា វិមានប្រធានាធិបតី និងតុលាការកំពូលដែលរងការខូចខាត ហើយថ្កោលទោសចំពោះ “អំពើភេរវកម្ម” និងប្តេជ្ញាដាក់ទណ្ឌកម្មជនល្មើស។

លោក Bolsonaro អាយុ៦៧ឆ្នាំ មិនទទួលស្គាល់បរាជ័យក្នុងការបោះឆ្នោតដ៏តឹងតែងនោះទេ ហើយបានជិះយន្តហោះទៅសហរដ្ឋអាមេរិក មុនពេលពិធីផ្ទេរអំណាចថ្ងៃទី០១ខែមករា។

កាល​ពី​ថ្ងៃ​ចន្ទ គាត់​ត្រូវ​បាន​​បញ្ជូន​ទៅ​មន្ទីរពេទ្យ​ក្នុង​រដ្ឋ Florida ដោយសារ​ឈឺ​ពោះ៕

ប្រែសម្រួល៖ Vann Vann

ប្រភព៖ BBC

ចុចអាន៖ លោក Bolsonaro មិនទទួលខុសត្រូវចំពោះភាពចលាចលនៅ រដ្ឋធានី ប្រាស៊ីលីយ៉ា