វីដេអូថតជាប់ស្តែងៗ យន្តហោះដឹកអ្នកដំណើរនេប៉ាល់ ផ្ងារជើងលើអាកាស មុនពេលធ្លាក់

វីដេអូមួយ បានថតជាប់ស្តែងៗ ខណៈពេលដែលយន្តហោះដឹកអ្នកដំណើរនេប៉ាល់ ផ្ងារជើងលើអាកាស មុនពេលធ្លាក់ចុះ ដោយតាមព័ត៌មានបឋមគឺមានមនុស្ស ១៦នាក់ត្រូវបាត់បង់ជីវិត។

យន្តហោះដឹកអ្នកដំណើរ៧២កៅអីមួយគ្រឿងរបស់ក្រុមហ៊ុន Yeti Airlines បានធ្លាក់ នៅឯអាកាសយានដ្ឋានអន្តរជាតិ Pokhara ក្នុងប្រទេសនេប៉ាល់។

កាសែត Kathmandu Post បានរាយការណ៍ថា យន្តហោះនេះ កំពុងហោះចេញពីទីក្រុង Kathmandu ឆ្ពោះទៅតំបន់ Pokhara ហើយបានធ្លាក់នៅតំបន់ Pokhara នៃស្រុក Kaski។

ទោះបីជាយ៉ាងណាក៏ដោយ គេមិនទាន់ដឹងច្បាស់អំពីមូលហេតុ ដែលបង្កឲ្យមានគ្រោះថ្នាក់នេះនៅឡើយទេ។

កាលពីខែឧសភា ឆ្នាំ២០២២ មនុស្សចំនួន២២នាក់លើយន្តហោះដែលដំណើរការដោយក្រុមហ៊ុនអាកាសចរណ៍នេប៉ាល់ Tara Air បានស្លាប់ នៅពេលយន្តហោះធ្លាក់បន្ទាប់ពីអ្នកគ្រប់គ្រងចរាចរណ៍ផ្លូវអាកាស បាត់បង់ទំនាក់ទំនងជាមួយយន្តហោះ ភ្លាមៗក្រោយពេលហោះចេញពីតំបន់ Pokhara៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖ ធ្លាក់យន្តហោះដឹកអ្នកដំណើរនៅនេប៉ាល់ ស្លាប់មនុស្សច្រើននាក់