Update៖ គ្មានអ្នកនៅរស់ទេ ក្នុងហេតុការណ៍ធ្លាក់យន្តហោះ នេប៉ាល់

យោងតាមការផ្សាយរបស់ទូរទស្សន៍ News 18 បានឲ្យដឹងថា គ្មានអ្នកនៅរស់ទេ ក្នុងហេតុការណ៍ធ្លាក់យន្តហោះដ៏រន្ធត់ នៅប្រទេសនេប៉ាល់ នៅថ្ងៃអាទិត្យទៅ១៥ខែមករានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងវីដេអូដែលគេថតជាប់, យន្តហោះដឹកអ្នកដំណើរមួយគ្រឿងនេះ បានក្រឡាប់ផ្ងារជើងលើអាកាស មុនពេលធ្លាក់ចុះ។

យន្តហោះដឹកអ្នកដំណើរ៧២នាក់របស់ក្រុមហ៊ុន Yeti Airlines បានធ្លាក់ នៅឯអាកាសយានដ្ឋានអន្តរជាតិ Pokhara។

កាសែត Kathmandu Post បានរាយការណ៍ថា យន្តហោះនេះ កំពុងហោះចេញពីទីក្រុង Kathmandu ឆ្ពោះទៅតំបន់ Pokhara ហើយបានធ្លាក់នៅតំបន់ Pokhara នៃស្រុក Kaski។

ទោះបីជាយ៉ាងណាក៏ដោយ មកទល់ពេលនេះ គេមិនទាន់ដឹងច្បាស់អំពីមូលហេតុ ដែលបង្កឲ្យមានគ្រោះថ្នាក់នេះនៅឡើយទេ៕

ប្រែសម្រួល៖ Vann Vann

ប្រភព៖ RT

ចុចអាន៖ វីដេអូថតជាប់ស្តែងៗ យន្តហោះដឹកអ្នកដំណើរនេប៉ាល់ ផ្ងារជើងលើអាកាស មុនពេលធ្លាក់