ព័ត៌មានអន្ដរជាតិ
ឥណ្ឌូនេស៊ី កំណត់បានទីតាំងនៃប្រអប់ខ្មៅរបស់យន្តហោះដែលធ្លាក់
ក្រុមមន្រ្តីបាននិយាយថា “ប្រអប់ខ្មៅ” ពីយន្ដហោះដឹកអ្នកដំណើរមួយគ្រឿង ដែលធ្លាក់ចូលសមុទ្រ ភ្លាមៗបន្ទាប់ពីហោះហើរនៅប្រទេសឥណ្ឌូនេស៊ីកាលពីថ្ងៃសៅរ៍ ត្រូវបានកំណត់ទីតាំង។
ក្រុមអ្នកមុជទឹកនៃកងទ័ពជើងទឹកមានទំនុកចិត្តថា ពួកគេនឹងអាចស្រង់ប្រអប់ខ្មៅទាំងពីរបាន នៅពេលប្រតិបត្តិការស្វែងរកចាប់ផ្តើមឡើងវិញនៅថ្ងៃចន្ទនេះ។
មកទល់ពេលនេះ បំណែកយន្តហោះនិងសាកសពមនុស្សត្រូវបានគេរកឃើញ។
យន្តហោះ Boeing 737 របស់ក្រុមហ៊ុនអាកាសចរណ៍ Sriwijaya Air បានដឹកមនុស្សចំនួន៦២នាក់នៅពេល វាបានបាត់ពីរ៉ាដាអំឡុងពេលធ្វើដំណើរទៅកាន់កោះ Borneo។
ប្រធានគណៈកម្មាធិការសុវត្ថិភាពដឹកជញ្ជូនឥណ្ឌូនេស៊ីលោក Soerjanto Tjahjono បាននិយាយប្រាប់ AFP កាលពីថ្ងៃអាទិត្យថា “យើងកំណត់បាននូវទីតាំងប្រអប់ខ្មៅទាំងពីរ”។
ឧបករណ៍កត់ត្រាទិន្នន័យហោះហើរនិងម៉ាស៊ីនថតសំឡេងកាប៊ីនយន្ដហោះឬគេហៅថា “ប្រអប់ខ្មៅ” បានរក្សាទុកទិន្នន័យរបស់យន្តហោះ។ ពួកគេអាចផ្តល់ព័ត៌មានសំខាន់ៗក្នុងការស៊ើបអង្កេតអំពីគ្រោះថ្នាក់ដែនអាកាស។
ក្រុមអ្នកស៊ើបអង្កេត កំពុងធ្វើការវិភាគលើវត្ថុនានាដែលពួកគេជឿថាជាកង់និងជាផ្នែកមួយនៃតួយន្តហោះ។ ទួរប៊ីនពីម៉ាស៊ីនរបស់យន្តហោះ ក៏ស្ថិតនៅក្នុងចំណោមកម្ទេចកម្ទីដែលត្រូវបានរកឃើញផងដែរ។
ប្រតិបត្តិការស្វែងរកត្រូវបានផ្អាកអស់មួយយប់ប៉ុន្តែគ្រោងនឹងបន្តឡើងវិញនៅព្រឹកថ្ងៃចន្ទនេះ។
ទោះបីជាយ៉ាងណាក៏ដោយ វាហាក់ដូចជាគ្មានសង្ឃឹមទេក្នុងការស្វែងរកអ្នកនៅរស់រានមានជីវិត៕
ប្រែសម្រួលដោយ៖ Vann Vann
ប្រភព៖ BBC
ចុចអាន៖ យន្តហោះដឹកអ្នកដំណើរ ឥណ្ឌូនេស៊ី កំពុងបាត់ខ្លួន មិនដឹងជោគវាសនាយ៉ាងណា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង