ព័ត៌មានអន្ដរជាតិ

ថ្ងៃនេះ លោក ចូ បៃដិន ចាក់វ៉ាក់សាំងកូវីដដូសទីពីរ

បានផុស

៤ years មុន

នៅ

ថ្ងៃចន្ទ ១១ មករា ២០២១

ដោយ

លោក ចូ បៃដិន ប្រធានាធិបតីជាប់ឆ្នោតសហរដ្ឋអាមេរិកនឹងទទួលបានការចាក់ដូសទីពីនៃវ៉ាក់សាំងកូវីដរបស់ក្រុមហ៊ុន Pfizer-BioNTech នៅថ្ងៃចន្ទនេះ ។ នេះបើយោងតាមក្រុមអ្នកផ្ទេរអំណាចរបស់គាត់ ។

កាលពីថ្ងៃទី ២១ ខែធ្នូ លោក Biden បានចាក់វ៉ាក់សាំងដូសដំបូងរបស់ក្រុមហ៊ុន Pfizer-BioNTech ផ្សាយតាមទូរទស្សន៍ក្នុងគោលបំណងដើម្បីពង្រឹងទំនុកចិត្តដល់ប្រជាជន នៅពេលប្រទេសនេះព្យាយាមទប់ស្កាត់ការរីករាលនៃជំងឺកូវីដ ១៩ ។

ការចាក់ថ្នាំបង្ការនៅក្នុងប្រទេសបានចាប់ផ្តើមនៅថ្ងៃទី ១៤ ខែធ្នូជាមួយបុគ្គលិកសុខាភិបាល និងបុគ្គលិកជួរមុខ ។ ក្រៅពីវ៉ាក់សាំងរបស់ក្រុមហ៊ុន Pfizer-BioNTech សហរដ្ឋអាមេរិកកំពុងចាត់ចែងចាក់វ៉ាក់សាំងរបស់ក្រុមហ៊ុន Moderna ផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមទីភ្នាក់ងារសុខាភិបាលជាតិនៃមជ្ឈមណ្ឌលទប់ស្កាត់ និងបង្ការជំងឺ (CDC) ឲ្យដឹងថា គិតត្រឹមថ្ងៃសុក្រវ៉ាក់សាំងដូសដំបូងចំនួន ៦.៦ លានដូសត្រូវបានចាក់ដល់ប្រជាជន ។

គួរបញ្ជាក់ថា ទាំងវ៉ាក់សាំងរបស់ក្រុមហ៊ុន Pfizer និង Moderna ត្រូវបានគេដឹងថាប្រើប្រាស់បច្ចេកវិទ្យា RNA messenger ហើយត្រូវការចាក់ចំនួន ២ ដូស ៕