ព័ត៌មានអន្ដរជាតិ
ផ្លូវការ! អាមេរិក និងអាល្លឺម៉ង់ សម្រេចបញ្ជូនរថក្រោះទំនើបបំផុតទៅ អ៊ុយក្រែន
សហរដ្ឋអាមេរិក នឹងបញ្ជូនរថក្រោះប្រយុទ្ធដ៏មានឥទ្ធិពលចំនួន៣១គ្រឿងទៅកាន់ប្រទេសអ៊ុយក្រែន ខណៈអាល្លឺម៉ង់ ក៏បញ្ជូនយានប្រយុទ្ធ ទៅប្រឆាំងការវាយលុករបស់រុស្ស៊ីផងដែរ។
![](https://www.kampucheathmey.com/wp-content/uploads/2023/01/image-1759-1024x572.png)
ការសម្រេចចិត្តប្រគល់រថក្រោះ M1 Abrams ត្រូវបានប្រកាស ត្រឹមតែប៉ុន្មានម៉ោងប៉ុណ្ណោះ បន្ទាប់ពីអាល្លឺម៉ង់និយាយថា ខ្លួននឹងបញ្ជូនរថក្រោះ Leopard 2 ចំនួន១៤គ្រឿងទៅកាន់សមរភូមិ។
ខណៈពេលប្រកាសអំពីការសម្រេចចិត្តនៅសេតវិមាន នៅថ្ងៃព្រហស្បតិ៍ទី២៦ខែមករានេះ ប្រធានាធិបតីអាមេរិកលោក ចូ បៃដិន បាននិយាយថា “លោកពូទីនរំពឹងថា អឺរ៉ុបនិងសហរដ្ឋអាមេរិក នឹងធ្វើឲ្យការតាំងចិត្តរបស់យើងចុះខ្សោយ។ គាត់ខុសតាំងពីដើម ហើយគាត់នឹងខុសទៀត”។
![](https://www.kampucheathmey.com/wp-content/uploads/2023/01/image-1758-1024x576.png)
លោកបន្តថា “យើងក៏កំពុងផ្តល់ឲ្យអ៊ុយក្រែននូវផ្នែក និងឧបករណ៍ចាំបាច់ ដើម្បីទ្រទ្រង់រថក្រោះទាំងនេះប្រកបដោយប្រសិទ្ធភាពក្នុងការប្រយុទ្ធផងដែរ។ នេះគឺនិយាយអំពីការជួយអ៊ុយក្រែន និងការពារទឹកដីអ៊ុយក្រែន។ វាមិនមែនជាការគំរាមកំហែងវាយលុកដល់រុស្ស៊ីនោះទេ”។
រថក្រោះយោធាផលិតនៅសហរដ្ឋអាមេរិក គឺជារថក្រោះប្រយុទ្ធដ៏ទំនើបបំផុតមួយនៅក្នុងពិភពលោក ហើយត្រូវការការហ្វឹកហ្វឺនជាក់លាក់ដើម្បីប្រតិបត្តិការ។ កញ្ចប់ថវិកា៤០០លានដុល្លាររបស់អាមេរិកនេះ ក៏រួមបញ្ចូលទាំងរថយន្តសង្គ្រោះចំនួនប្រាំបីគ្រឿងផងដែរ ដែលអាចអូសរថក្រោះ ប្រសិនបើពួកគេត្រូវរងការវាយប្រហារ។
![](https://www.kampucheathmey.com/wp-content/uploads/2023/01/image-1760-1024x576.png)
ទោះបីជាយ៉ាងណាក៏ដោយ វាត្រូវចំណាយពេលច្រើនខែ មុនពេលរថក្រោះដឹកទៅដល់សមរភូមិ ព្រោះរថក្រោះទាំងនោះ នឹងត្រូវបានទិញពីអ្នកម៉ៅការឯកជន មិនមែនបញ្ជូនពីឃ្លាំងស្តុកដែលមានស្រាប់នោះទេ។
យ៉ាងណាមិញ រថក្រោះ Leopard 2 ដែលផលិតដោយអាល្លឺម៉ង់ នឹងត្រូវបានយកចេញពីស្តុកដែលមានស្រាប់ ហើយត្រូវបានគេរំពឹងថា នឹងទៅដល់ក្នុងរយៈពេល២ទៅ៣ខែ៕
ប្រែសម្រួល៖ Vann Vann
ប្រភព៖ BBC
ចុចអាន៖ សេចក្តីរាយការណ៍៖ អាមេរិកនិងអាល្លឺម៉ង់ សម្រេចបញ្ជូនរថក្រោះទៅ អ៊ុយក្រែន ហើយ
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៧ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៦ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?