ថៃ បន្តដាក់ច្បាប់ក្នុងគ្រាអាសន្នដោយសារជំងឺកូវីដ១៩រហូតដល់ចុងខែវិច្ឆិកា

ប្រទេសថៃបានពង្រីកវិធានការគ្រាអាសន្នស្តីពីជំងឺរាតត្បាតកូវីដ១៩រហូតដល់ចុងខែវិច្ឆិកា។

គណៈរដ្ឋមន្រ្តីដែលដឹកនាំដោយលោកនាយករដ្ឋមន្រ្តី ប្រាយុទ្ធ ចាន់អូចា នៅថ្ងៃពុធនេះបានអនុម័តលើការពន្យាពេលមួយខែទៀតដល់ថ្ងៃទី៣០ខែវិច្ឆិកាតាមការស្នើសុំដោយមជ្ឈមណ្ឌលគ្រប់គ្រងស្ថានភាពជំងឺកូវីដ១៩ (CCSA)។

ច្បាប់គ្រាអាសន្នដែលដាក់នៅទូទាំងប្រទេសនេះត្រូវបានពន្យារពេល៨ខែជាប់ៗគ្នាមកហើយ។

មុននេះ លោក ប្រាយុទ្ធ បាននិយាយថា គ្មានច្បាប់ណាផ្សេងទៀតដែលអាចផ្តល់នូវវិធានការប្រឆាំងជំងឺរាតត្បាតនិងសុវត្ថិភាពសុខភាពសាធារណៈឲ្យមានប្រសិទ្ធភាពនិងរហ័សដូចច្បាប់គ្រាអាសន្ននេះទេ។

គិតត្រឹមពេលនេះ ប្រទេសថៃបានរាយការណ៍ថាមានករណីឆ្លងវីរុសកូរ៉ូណាសរុប៣,៧៥៩ករណីហើយមានមនុស្សស្លាប់ចំនួន៥៩នាក់ខណៈអ្នកជំងឺ៣,៥៦១នាក់បានជាសះស្បើយ៕

ប្រែសម្រួលដោយ៖ Vann Vann

ប្រភព៖ Xinhua