ព័ត៌មានអន្ដរជាតិ
របាយការណ៍ UN បង្ហាញថា ការផលិតអាភៀននៅ មីយ៉ាន់ម៉ា កើនឡើងយ៉ាងគំហុក ក្រោយរដ្ឋប្រហារ
ការិយាល័យអង្គការសហប្រជាជាតិទទួលបន្ទុកគ្រឿងញៀន និងឧក្រិដ្ឋកម្ម (UNODC) បាននិយាយកាលពីថ្ងៃទី២៦ ខែមករាថា ការផលិតអាភៀននៅក្នុងប្រទេសមីយ៉ាន់ម៉ាបានកើនឡើងយ៉ាងគំហុក បន្ទាប់ពីរដ្ឋប្រហារឆ្នាំ ២០២១ ។
![](https://www.kampucheathmey.com/wp-content/uploads/2023/01/opium-1.jpg)
សេដ្ឋកិច្ចរបស់ប្រទេសមីយ៉ាន់ម៉ាត្រូវបានរាំងស្ទះ បន្ទាប់ពីកងទ័ពធ្វើរដ្ឋប្រហារដណ្តើមអំណាចពីរដ្ឋាភិបាលស៊ីវិលកាលពីខែកុម្ភៈ ឆ្នាំ២០២១ ដែលបណ្តាលឲ្យមានការតស៊ូប្រយុទ្ធគ្នារវាងយោធា និងក្រុមប្រដាប់អាវុធប្រឆាំងនឹងរដ្ឋប្រហារ ។
បន្ទាប់ពីរដ្ឋប្រហារ បណ្តាលឲ្យមានភាពចលាចលទាំងផ្នែកនយោបាយ និងសេដ្ឋកិច្ច ដោយបានជំរុញឲ្យកសិករងាកមកដាំដំណាំជាច្រើន ជាពិសេសគឺអាភៀន ។ ផ្ទៃដីដែលប្រើសម្រាប់ការដាំអាភៀនបានកើនឡើង ១ ភាគ ៣ ដល់ជាង ៤ ម៉ឺនហិកតាក្នុងឆ្នាំ ២០២១ ដល់ឆ្នាំ ២០២២ ដែលចាត់ទុកជារដូវកាលដាំដុះអាភៀនយ៉ាងពេញលេញលើកដំបូង ចាប់តាំងពីរដ្ឋប្រហារ ហើយការផលិតនោះបានកើនឡើងជិត ៩០ ភាគរយ បើធៀបនឹងឆ្នាំមុនគឺ ៧៩០ តោន ។
![](https://www.kampucheathmey.com/wp-content/uploads/2023/01/opium.jpg)
របាយការណ៍របស់ UNODC បាននិយាយទៀតថា សេដ្ឋកិច្ចពាណិជ្ជកម្មអាភៀនរបស់ប្រទេសមីយ៉ាន់ម៉ាបានកើនឡើងយ៉ាងខ្លាំង ហើយសេដ្ឋកិច្ចពាណិជ្ជកម្មអាភៀនរបស់ប្រទេសនេះមានតម្លៃប្រមាណ ២ ពាន់លានដុល្លារឯណោះ ដែលស្មើនឹង ៣ ភាគរយនៃផលិតផលក្នុងស្រុកសរុប (GDP) របស់ប្រទេសក្នុងឆ្នាំ ២០២១ ។
ចំណែករបាយការណ៍របស់ធនាគារពិភពលោកវិញបានឲ្យដឹងថា ការងាកទៅដាំអាភៀនរបស់កសិករមីយ៉ាន់ម៉ាក៏កើតឡើង ដោយសារតែវិបត្តិកូវីដ ១៩ និងលទ្ធផលក្រោយរដ្ឋប្រហារ បានធ្វើឲ្យសេដ្ឋកិច្ចរបស់ប្រទេសមីយ៉ាន់ម៉ាធ្លាក់ចុះ ១៨ ភាគរយនៅឆ្នាំ ២០២១ ។
![](https://www.kampucheathmey.com/wp-content/uploads/2023/01/Opium-2.jpg)
ជាមួយនឹងចំនួនប្រជាជន ៤០ ភាគរយរបស់ប្រទេសដែលរស់នៅក្នុងភាពក្រីក្រក្នុងឆ្នាំ ២០២២ អ្នកតំណាងរបស់ UNODC បាននិយាយថា ភាពលំបាកផ្នែកហិរញ្ញវត្ថុបានបង្ខំឲ្យពលករជាច្រើនត្រូវចាកចេញពីទីក្រុងដើម្បីទៅធ្វើការដាំដុះអាភៀននៅតំបន់ជនបទ ៕
ប្រែសម្រួលដោយ ៖ គង់ សំអាន
ប្រភព ៖ MGR Online
ចុចអាន ៖ មកដឹងប្រទេស អាស៊ាន តែមួយគត់ដែលមិនជំពាក់បំណុលបរទេសក្នុងឆ្នាំ ២០២២
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម៤ ថ្ងៃ ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៧ ថ្ងៃ ago
ផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៦ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៤ ថ្ងៃ ago
ករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៦ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១៧ ម៉ោង ago
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៣ ថ្ងៃ ago
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៤ ថ្ងៃ ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត