ព័ត៌មានអន្ដរជាតិ
មនុស្សស្លាប់ក្នុងការបំផ្ទុះគ្រាប់បែកនៅ ប៉ាគីស្ថាន កើនដល់៨៧នាក់ ខណៈជាង១០០នាក់ រងរបួស
ចំនួនមនុស្សស្លាប់បានកើនឡើងដល់ ៨៧នាក់ហើយ បន្ទាប់ពីការបំផ្ទុះគ្រាប់បែកអត្តឃាត នៅវិហារឥស្លាម ដែលសំដៅលើប៉ូលិសក្នុងខេត្ត Peshawar នៃប្រទេសប៉ាគីស្ថាន។

វិហារឥស្លាមនេះ ស្ថិតក្នុងតំបន់ទីស្នាក់ការប៉ូលិសដែលមានសន្តិសុខកម្រិតខ្ពស់ ហើយការស៊ើបអង្កេត កំពុងផ្តោតសំខាន់ទៅលើថាតើ អ្នកបំផ្ទុះអាចចូលទៅទីនោះបានដោយរបៀបណា។
អ្នកនាំពាក្យមន្ទីរពេទ្យបានបញ្ជាក់ថា ក្រៅពីអ្នកស្លាប់ មនុស្សជាង ១០០នាក់ក៏រងរបួសផងដែរ។ ទន្ទឹមនេះ ពិធីបុណ្យសពត្រូវបានធ្វើឡើងសម្រាប់មន្ត្រីប៉ូលិសជាង២០នាក់ ហើយមឈូសរបស់ពួកគេ ត្រូវបានគ្របដោយទង់ជាតិប៉ាគីស្ថាន។

នាយករដ្ឋមន្ត្រីប៉ាគីស្ថាន និងមេដឹកនាំផ្សេងទៀត បានថ្កោលទោសការវាយប្រហារនេះ ថាជាការវាយប្រហារអាក្រក់បំផុតមួយនៅក្នុងប្រទេស នារយៈពេលប៉ុន្មានឆ្នាំចុងក្រោយ។
ទោះបីជាយ៉ាងណាក៏ដោយ ក្រុមតាលីបង់ប៉ាគីស្ថាន បានបដិសេធការជាប់ពាក់ព័ន្ធក្នុងហេតុការណ៍នេះ។

ដោយប្រកាសកាន់ទុក្ខទូទាំងប្រទេស លោកនាយករដ្ឋមន្ត្រី Shehbaz Sharif បាននិយាយថា “ពួកភេរវករ ចង់បង្កើតការភ័យខ្លាច ដោយកំណត់គោលដៅលើអ្នកដែលបំពេញកាតព្វកិច្ចការពារប្រទេសប៉ាគីស្ថាន”។
មេប៉ូលិសក្រុង Peshawar លោក Muhammad Ijaz Khan បានប្រាប់ប្រព័ន្ធផ្សព្វផ្សាយក្នុងស្រុកថា មន្ត្រីប៉ូលិសចន្លោះពី ៣០០ ទៅ ៤០០ នាក់ បានស្ថិតនៅក្នុងតំបន់នោះ ពេលការវាយប្រហារកើតឡើង៕
ប្រែសម្រួល៖ Vann Vann
ប្រភព៖ BBC
ចុចអាន៖ ហេតុអ្វីបានជាប្រទេស ប៉ាគីស្ថាន ជួបគ្រោះទឹកជំនន់ ធ្ងន់ធ្ងរបែបនេះ?

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២០ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ