ព័ត៌មានអន្ដរជាតិ
សេចក្តីរាយការណ៍៖ អាមេរិក ត្រៀមផ្តល់កញ្ចប់ជំនួយសព្វាវុធថ្មីតម្លៃ ២ ពាន់លានដុល្លារឲ្យ អ៊ុយក្រែន (មានវីដេអូ)
សហរដ្ឋអាមេរិក បានត្រៀមខ្លួនរួចជាស្រេចហើយ ដើម្បីផ្តល់ជំនួយយោធាក្នុងទំហំទឹកប្រាក់ជាង ២ពាន់លានដុល្លារសម្រាប់អ៊ុយក្រែន ខណៈជំនួយថ្មីនេះ ត្រូវបានគេរំពឹងថានឹងរួមបញ្ចូលទាំងគ្រាប់រ៉ុកកែតរយៈចម្ងាយឆ្ងាយជាលើកដំបូង ក៏ដូចជាគ្រាប់បែក និងអាវុធផ្សេងទៀតផងដែរ។ នេះបើយោងតាមសេចក្តីរាយការណ៍របស់ទីភ្នាក់ងារសារព័ត៌មាន រ៉យទ័រ ដែលដកស្រង់សម្តីមន្ត្រីអាមេរិកពីររូប។
![](https://www.kampucheathmey.com/wp-content/uploads/2023/02/image-57.png)
ក្រុមមន្ត្រីបាននិយាយនៅថ្ងៃពុធទី០១ខែកុម្ភៈថា ជំនួយនេះ នឹងត្រូវប្រកាសយូរបំផុតក្នុងសប្តាហ៍នេះ។ ពួកគេបន្ថែមថា កញ្ចប់នេះនឹងរួមបញ្ចូលផងដែរ នូវឧបករណ៍ជំនួយសម្រាប់ប្រព័ន្ធការពារដែនអាកាស Patriot, គ្រាប់បែកមានសមត្ថភាពខ្លាំង និងអាវុធប្រឆាំងរថក្រោះ Javelin។
យោងតាមមន្ត្រីម្នាក់, ផ្នែកមួយនៃកញ្ចប់ទឹកប្រាក់ ១.៧២ពាន់លានដុល្លារ នឹងបានមកពីមូលនិធិដែលគេស្គាល់ថា គំនិតផ្តួចផ្តើមជំនួយសន្តិសុខអ៊ុយក្រែន (USAI) ដែលអនុញ្ញាតឲ្យរដ្ឋបាលរបស់លោកប្រធានាធិបតី ចូ បៃដិន ទទួលបានអាវុធពីក្រុមហ៊ុននានា ជាជាងពីស្តុកសព្វាវុធរបស់សហរដ្ឋអាមេរិក។
![](https://www.kampucheathmey.com/wp-content/uploads/2023/02/image-58-1024x1024.png)
បន្ថែមពីលើមូលនិធិ USAI, ជំនួយដែលមានតម្លៃជាង៤០០លានដុល្លារ ត្រូវបានគេរំពឹងថានឹងបានមកពីមូលនិធិរបស់អាជ្ញាធរដកប្រាក់ប្រធានាធិបតី ដែលអនុញ្ញាតឲ្យប្រធានាធិបតីយកចេញពីភាគហ៊ុនអាមេរិកបច្ចុប្បន្នក្នុងគ្រាមានអាសន្ន។
មន្ត្រីរូបនេះដដែលបន្ថែមថា ជំនួយថ្មីក៏មានសម្ភារបរិក្ខារពេទ្យយ៉ាងច្រើនផងដែរ ពោលគឺគ្រប់គ្រាន់សម្រាប់បំពាក់ដល់មន្ទីរពេទ្យចំនួនបី។
ទោះបីជាយ៉ាងណាក៏ដោយ សេតវិមានបានបដិសេធធ្វើអត្ថាធិប្បាយ ខណៈខ្លឹមសារ និងទំហំនៃកញ្ចប់ជំនួយនេះ អាចផ្លាស់ប្តូររហូតដល់ពួកគេត្រូវបានចុះហត្ថលេខាដោយប្រធានាធិបតី៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Aljazeera
ចុចអាន៖ លោក បៃដិន សម្រេចហើយថាមិនផ្ដល់យន្តហោះចម្បាំង F-16 ឲ្យ អ៊ុយក្រែន ទេ
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២ ថ្ងៃ ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៥ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៤ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម១ សប្តាហ៍ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ជីវិតកម្សាន្ដ៥ ថ្ងៃ ago
ផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
ព័ត៌មានជាតិ២ ថ្ងៃ ago
ករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ជីវិតកម្សាន្ដ២ ថ្ងៃ ago
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍២ ថ្ងៃ ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត