ព័ត៌មានអន្ដរជាតិ
ក្រុមហ៊ុនអាមេរិក ចង់លក់យន្តហោះគ្មានមនុស្សបើក២គ្រឿង ឲ្យអ៊ុយក្រែន ក្នុងតម្លៃ ១ដុល្លារ
កាសែត Wall Street Journal បានរាយការណ៍កាលពីថ្ងៃពុធទី០១ខែកុម្ភៈថា ក្រុមហ៊ុនផលិតសព្វាវុធអាមេរិក General Atomics ចង់លក់យន្តហោះគ្មានមនុស្សបើក Reaper MQ-9 ចំនួនពីរគ្រឿងឲ្យអ៊ុយក្រែន ក្នុងតម្លៃត្រឹមតែ១ដុល្លារប៉ុណ្ណោះ ប៉ុន្តែប្រសិនបើត្រូវបានអនុម័តមែននោះ កិច្ចព្រមព្រៀងដ៏ចម្រូងចម្រាសនេះ នឹងតម្រូវឲ្យអ៊ុយក្រែនចេញថ្លៃដឹកជញ្ជូនដ៏សំខាន់។

សំណើនេះ ក៏នឹងតម្រូវឲ្យអ៊ុយក្រែនចំណាយប្រាក់ចំនួន១០លានដុល្លារដើម្បីរៀបចំ និងដឹកជញ្ជូនយន្តហោះគ្មានមនុស្សបើកពីសហរដ្ឋអាមេរិក ខណៈថ្លៃចំណាយលើការថែទាំ នឹងកើនឡើងដល់ប្រហែល៨លានដុល្លារជារៀងរាល់ឆ្នាំ។
បន្ថែមពីលើយន្តហោះគ្មានមនុស្សបើក MQ-9A Block 1 ចាស់ចំនួនពីរគ្រឿង កញ្ចប់នេះនឹងរួមបញ្ចូលទាំងស្ថានីយត្រួតពិនិត្យចល័តលើដីគោក ដើម្បីដំណើរការយានគ្មានមនុស្សបើកស្ទើរតែគ្រប់ទីកន្លែងផងដែរ។

អគ្គនាយកក្រុមហ៊ុន Atomics លោក Linden Blue បានផ្តល់គំនិតនេះ ទៅកាន់អនុព័ន្ធយោធាអ៊ុយក្រែន កាលពីខែមុន។ ថ្វីបើទីក្រុងកៀវ និងវ៉ាស៊ីនតោន សុទ្ធតែបដិសេធធ្វើអត្ថាធិប្បាយលើរឿងនេះក៏ដោយ ប៉ុន្តែអ្នកនាំពាក្យក្រុមហ៊ុនលោក C. Mark Brinkley បានប្រាប់កាសែត Wall Street Journal ថា កិច្ចពិភាក្សារវាងរដ្ឋាភិបាលអ៊ុយក្រែន និងក្រុមហ៊ុនរបស់គាត់ បានដំណើរការអស់រយៈពេលជាច្រើនខែមកហើយ។

យន្តហោះគ្មានមនុស្សបើក Reaper ដែលមានស្លាបប្រវែង ៦៦ ហ្វីត និងហោះបាន១២ម៉ោង គឺមានសមត្ថភាពវាយលុកគួរឲ្យខ្លាច និងវាយប្រហារចំគោលដៅជាក់លាក់។
គួរបញ្ជាក់ថា សហរដ្ឋអាមេរិកបានបំពាក់អាវុធដល់អ៊ុយក្រែន ជាមួយនឹងយន្តហោះគ្មានមនុស្សបើក Switchblade ជាង ៧០០គ្រឿង និង Phoenix Ghost kamikaze ១៨០០គ្រឿង ដែលមានសមត្ថភាពបំផ្ទុះចំគោលដៅ ក៏ដូចជាដ្រូនឈ្លបយកការណ៍មួយចំនួនផងដែរ៕
ប្រែសម្រួល៖ Vann Vann
ប្រភព៖ RT
ចុចអាន៖ រុស្ស៊ី ព្រមាន អ៊ីស្រាអែល រឿងផ្គត់ផ្គង់សព្វាវុធដល់ អ៊ុយក្រែន

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៨ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ