ព័ត៌មានអន្ដរជាតិ

G7, EU និងអូស្ត្រាលី យល់ព្រមលើការកំណត់តម្លៃផលិតផលប្រេងរុស្ស៊ី

បានផុស

២ years មុន

នៅ

ថ្ងៃសៅរ៍ ៤ កុម្ភៈ ២០២៣

ដោយ

ក្រុមប្រទេសសេដ្ឋកិច្ច G7 រួមជាមួយអូស្ត្រាលី និងសហភាពអឺរ៉ុប (EU) បានប្រកាសអំពីតម្លៃលើផលិតផលប្រេងរបស់រុស្ស៊ី ក្នុងកិច្ចប្រឹងប្រែងមួយដើម្បីកំណត់មូលនិធិរបស់ទីក្រុងមូស្គូសម្រាប់ការលុកលុយលើអ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋាភិបាលសហរដ្ឋអាមេរិក និយាយថា ប្រទេសនានា នឹងនាំគ្នាកំណត់លើផលិតផលប្រេងចម្រាញ់ពីសមុទ្ររបស់រុស្ស៊ីនៅថ្ងៃអាទិត្យនេះ។

ក្នុងនោះ តម្លៃប្រេងនឹងត្រូវបានកំណត់នៅ ១០០ ដុល្លារក្នុងមួយធុងសម្រាប់ប្រេងម៉ាស៊ូត និងផលិតផលមួយចំនួនទៀត និង ៤៥ ដុល្លារក្នុងមួយធុងសម្រាប់ផលិតផលរួមទាំងប្រេងធ្ងន់។

វិធានការនេះ ធ្វើឡើងតាមតម្លៃប្រេង ៦០ ដុល្លារក្នុងមួយបារ៉ែលលើប្រេងឆៅរុស្ស៊ី ដែលក្រុម G7 និងប្រទេសផ្សេងទៀតបានកំណត់ឡើងក្នុងខែធ្នូកន្លងទៅ។

រដ្ឋមន្ត្រីក្រសួងរតនាគារសហរដ្ឋអាមេរិក Janet Yellen បាននិយាយនៅក្នុងសេចក្តីថ្លែងការណ៍មួយថា កិច្ចព្រមព្រៀងក្នុងចំណោមប្រទេសទាំងនេះ គឺជួយជំរុញគោលដៅរបស់ពួកគេ ដើម្បីកំណត់ក្រុមហ៊ុនបង្កើតប្រាក់ចំណូលដ៏សំខាន់របស់រុស្ស៊ីសម្រាប់ការផ្តល់មូលនិធិដល់សង្រ្គាមរបស់លោកពូទីននៅអ៊ុយក្រែន៕

ប្រែសម្រួលដោយ៖ នាង រតនៈ

ប្រភព៖ NHK