ទីក្រុងបាងកក មើលលែងចង់ឃើញហើយ ដោយសារកំហាប់ខ្យល់ពុល (មានវីដេអូ)

តំបន់ជាង៧០ក្នុងទីក្រុងបាងកកនៃប្រទេសថៃ បានរាយការណ៍ថា កំហាប់ខ្យល់ពុល PM2.5 បានឈានដល់ ៩០មីក្រូក្រាមក្នុងមួយម៉ែត្រគូបនៃខ្យល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដែនកំណត់សុវត្ថិភាពរបស់ប្រទេសថៃគឺ ៥០មីក្រូក្រាមក្នុងមួយម៉ែត្រគូបនៃខ្យល់ ខណៈកម្រិតខ្ពស់នៃ PM2.5 នឹងបង្កហានិភ័យដល់សុខភាព ជាពិសេសសម្រាប់អ្នកដែលមានជំងឺសួតរ៉ាំរ៉ៃ។

នាយកដ្ឋានឧតុនិយមថៃ (TMD) ព្យាករថា កំហាប់ខ្យល់ពុល PM2.5 នឹងកើនឡើងពាសពេញប្រទេស ដោយសារធាតុពុល នៅកកកុញក្នុងខ្យល់ដែលនៅទ្រឹង។

ស្របពេលជាមួយគ្នានោះ​ រដ្ឋាភិបាល​ បាន​ណែនាំឲ្យ​ប្រជាជន​​ពាក់​ម៉ាសពេលចេញទៅ​ខាងក្រៅ ហើយ​ពិចារណា​ធ្វើការ​ពី​ផ្ទះ។

គេហទំព័រ iqair.com បានរាយការណ៍ពីសន្ទស្សន៍គុណភាពខ្យល់ (AQI) របស់ទីក្រុងបាងកកនៅកម្រិត១៩៨គិតត្រឹមម៉ោង៩ព្រឹកថ្ងៃព្រហស្បតិ៍ ដែលធ្វើឲ្យ បាងកក ក្លាយជាទីក្រុងដែលមានការបំពុលខ្លាំងបំផុតលំដាប់ទីបីនៅក្នុងពិភពលោក។

រាជធានីរបស់ប្រទេសថៃ គឺនៅពីក្រោយតែទីក្រុង Mumbai ក្នុងប្រទេសឥណ្ឌា និងទីក្រុង Lahore របស់ប៉ាគីស្ថាន ប៉ុណ្ណោះ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Nation

ចុចអាន៖ លោក ប្រាយុទ្ធ ចង់ឲ្យប្រជាជនថៃ ធ្វើការពីផ្ទះ ខណៈខ្យល់ពុល ឈានដល់កម្រិតគ្រោះថ្នាក់ ទូទាំងប្រទេស