ព័ត៌មានអន្ដរជាតិ

អាមេរិក សម្រេចបាញ់ទម្លាក់បាឡុងហោះរបស់ ចិន

បានផុស

២ years មុន

នៅ

ថ្ងៃអាទិត្យ ៥ កុម្ភៈ ២០២៣

ដោយ

ក្រសួងការពារជាតិបានប្រកាសថា យន្តហោះចម្បាំង F22 បានបាញ់ទម្លាក់បាឡុងហោះរបស់ចិននៅលើទឹកពីឆ្នេរនៃរដ្ឋ South Carolina ក្នុងដែនអាកាសសហរដ្ឋអាមេរិក ស្របពេលដែលចិននៅតែបន្តអះអាងថា វាហោះសម្រាប់ការស្រាវជ្រាវអាកាសធាតុប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្ត្រីក្រសួងការពារជាតិ លោក Lloyd Austin បានចេញសេចក្តីថ្លែងការណ៍មួយកាលពីរសៀលថ្ងៃសៅរ៍ ដោយបញ្ជាក់ពីការបាញ់ទម្លាក់បាឡុងដែលឆ្លងកាត់ទ្វីបអាមេរិក។ លោកបង្ហើបឲ្យដឹងថា នៅវេលាម៉ោង២និង៣៩នាទីរសៀល ម៉ោងក្នុងស្រុក យន្តហោះចម្បាំងបំបាំងកាយ F22 បានបាញ់ទម្លាក់បាឡុង កំពុងហោះឲ្យធ្លាក់ចុះក្រោម។

លោកបានបន្ថែមថា ការទម្លាក់បាឡុងបង្ហាញថា ទាំងលោកប្រធានាធិបតី Biden និងក្រុមសន្តិសុខរបស់លោក “តែងតែដាក់សុវត្ថិភាព និងសន្តិសុខរបស់ប្រជាជនអាមេរិកជាមុនសិន ដែលឆ្លើយតបទៅនឹង “ការរំលោភមិនអាចទទួលយកបានរបស់ចិន ចំពោះអធិបតេយ្យភាពរបស់យើង” ។

គួររម្លឹកដែរថា រដ្ឋមន្ត្រីការបរទេសអាមេរិកលោក Antony Blinken បានពន្យារពេលដំណើរទស្សនកិច្ចការទូតដែលគ្រោងទុកនៅចុងសប្ដាហ៍នេះទៅកាន់ប្រទេសចិន ខណៈរដ្ឋបាលរបស់លោក Biden កំពុងថ្លឹងថ្លែងការឆ្លើយតប ចំពោះបាឡុងចិនហោះខ្ពស់លើទីតាំងដ៏រសើបនៅភាគខាងលិចសហរដ្ឋអាមេរិក៕

ប្រែសម្រួល៖ សាង ស្រីល័ក្ខ

ប្រភព៖NHK

ចុចអាន៖លោក Blinken ផ្អាកដំណើរទស្សនកិច្ចទៅចិន ដោយសារបាឡុងហោះ