ព័ត៌មានអន្ដរជាតិ

ពិធីករទូរទស្សន៍ Sky News ថា អ្នកសារព័ត៌មាន អូស្ត្រាលី មិនបានផ្សាយការពិតជាច្រើន

បានផុស

២ years មុន

នៅ

ថ្ងៃអង្គារ ៧ កុម្ភៈ ២០២៣

ដោយ

បន្ទាប់ពីមានរឿងរ៉ាវជាហូរហែទាក់ទិននឹងអ្នកសារព័ត៌មានអូស្រ្តាលីមិនចុះផ្សាយការពិតអំពីការតវ៉ាលើការប្រារព្ធទិវាជាតិកាលពីខែមករា ក៏ដូចជាអំពើហិង្សាលើជនជាតិដើមភាគតិច Aboriginal ធ្វើឲ្យមានបញ្ហាចោទសួរជាច្រើនជុំវិញការបំពុលសង្គមមួយនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់ព័ន្ធនឹងបញ្ហានេះដែរ ពិធីកររបស់ទូរទស្សន៍ Sky News បានអះអាងថា អ្នកសារព័ត៌មានអូស្ត្រាលីមិនត្រឹមតែមិនរាយការណ៍អំពីអំពើហិង្សាទៅលើសហគមន៍ជនជាតិភាគតិច Aboriginal ប៉ុណ្ណោះទេ ពួកគេថែមទាំងមិនបានផ្សាយពីការគំរាមកំហែងដល់ប៉ូលិសដែលត្រូវបានសម្លាប់នៅឯការប្រមូលផ្ដុំមួយនៅកណ្ដាលទីក្រុង Melbourne ផងដែរ ។

កាលពីពេលថ្មីៗនេះ ប្រជាជនអូស្ត្រាលីរាប់ពាន់នាក់បានចាត់ទុក “ទិវាជាតិអូស្ត្រាលី” ស្មើនឹង “ទិវាឈ្លានពាន” ក្រោយហេតុការណ៍លើកទង់ជាតិអង់គ្លេសនៅទីក្រុង Sydney កាលពីថ្ងៃទី ២៦ ខែមករា ឆ្នាំ ១៧៨៨ ដែលសហគមន៍ជនជាតិដើមរបស់ប្រទេស ចាត់ទុកថាជា កាលបរិច្ឆេទនៃអាណានិគមមកលើទ្វីបមួយនេះ ។

ស្របពេលជាមួយគ្នានេះ នៅតាមដងផ្លូវនៃទីក្រុង Canberra, Sydney, Adelaide, Brisbane, Perth និង Melbourne ហ្វូងបាតុករបានដើរដង្ហែរជាមួយបដា និងពាក់អាវយឺតដែលសរសេរថា “អូស្ត្រាលីតែងតែជាទឹកដីរបស់ជនជាតិដើម” ។

ទន្ទឹមនោះ ប្រព័ន្ធផ្សព្វផ្សាយបានរាយការណ៍ទៀតថា នៅទីក្រុង Brisbane ក្រុមអ្នកតវ៉ាបានជំរុញកុំឲ្យប្រារព្ធ “ទិវាប្រល័យពូជសាសន៍” របស់អូស្ត្រាលីមួយនេះ ដែលប្រជាពលរដ្ឋជាច្រើនទាមទារឲ្យប្ដូរទៅកាលបរិច្ឆេទផ្សេង ។ ទោះជាយ៉ាងណាក៏ដោយ ការស្ទាបស្ទង់មតិសាធារណៈមួយចំនួនបានបង្ហាញថា ប្រជាជនភាគច្រើននៃប្រទេសនេះ នៅតែពេញចិត្តក្នុងការរក្សាការប្រារព្ធទិវានេះ ៕