រុស្ស៊ី គំរាមឆ្លើយតបធ្វើឲ្យពិភពលោកទាំងមូលជួបផលវិបាក បើសិន អង់គ្លេស ផ្តល់យន្តហោះចម្បាំងឲ្យ អ៊ុយក្រែន (មានវីដេអូ)

លោក វ្ល៉ាឌីមៀរ ពូទីន បានគំរាម ធ្វើការឆ្លើយតបដែលនឹងបង្កផលវិបាកផ្នែកនយោបាយនិងយោធា ប្រសិនបើចក្រភពអង់គ្លេស ផ្តល់យន្តហោះដល់អ៊ុយក្រែន ដើម្បីប្រយុទ្ធប្រឆាំងនឹងការវាយលុករបស់រុស្ស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃពុធទី០៨ខែកុម្ភៈ ប្រធានាធិបតីអ៊ុយក្រែន លោក Volodymyr Zelensky បានធ្វើទស្សនកិច្ចលើកដំបូងទៅកាន់ប្រទេសអង់គ្លេស ចាប់តាំងពីសង្រ្គាមផ្ទុះឡើងកាលពីឆ្នាំមុន ដោយបានព្រមានថា សង្រ្គាមអាចនៅទ្រឹង ប្រសិនបើលោកខាងលិចមិនបញ្ជូនយន្តហោះចម្បាំងទៅទេនោះ។

ស្របពេលជាមួយគ្នានោះ នាយករដ្ឋមន្ត្រីអង់គ្លេសលោក Rishi Sunak បាននិយាយនៅក្នុងសន្និសីទសារព័ត៌មានរួមមួយថា គ្មានអ្វីត្រូវពិភាក្សាអំពីសំណើផ្តល់យន្តហោះនោះទេ ហើយបានសង្កត់ធ្ងន់ថា ឥឡូវនេះ ចក្រភពអង់គ្លេសនឹងចាប់ផ្តើមរៀបចំកងកម្លាំងអាកាសអ៊ុយក្រែន។

ប៉ុន្តែទីក្រុងមូស្គូបានគំរាមឆ្លើយតប ប្រសិនបើរដ្ឋាភិបាលអង់គ្លេសផ្គត់ផ្គង់យន្តហោះ ខណៈរដ្ឋមួយចំនួនរបស់អង្គការណាតូ បានបង្ហាញក្តីព្រួយបារម្ភអំពីការប៉ះទង្គិចដោយផ្ទាល់។

ស្ថានទូតរុស្ស៊ីប្រចាំនៅទីក្រុងឡុងដ៍ បានព្រមានខ្លាំងៗដល់ចក្រភពអង់គ្លេស ប្រឆាំងនឹងការផ្គត់ផ្គង់យន្តហោះចម្បាំងដោយនិយាយថា ចក្រភពអង់គ្លេសនឹងទទួលខុសត្រូវចំពោះការកើនឡើងនៃអរិភាពមួយផ្សេងទៀត និងផលវិបាកខាងនយោបាយ-យោធាសម្រាប់ទ្វីបអឺរ៉ុប និងពិភពលោកទាំងមូល៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ អឺរ៉ុប៣ប្រទេស ប្រកាសបញ្ជូនរថក្រោះ Leopard 1 យ៉ាងតិច១០០គ្រឿង ទៅឲ្យ អ៊ុយក្រែន