ចេញក្រៅប្រទេសលើកនេះ លោក Zelensky សុំរឿង ២ ទៅអឺរ៉ុប

ប្រធានាធិបតីអ៊ុយក្រែនលោក Volodymyr Zelensky បានស្នើបញ្ហាចំនួន ២ គឺសុំអាវុធ និងការចូលជាសមាជិកភាពក្នុងប្លុកអឺរ៉ុប អំឡុងដំណើរទស្សនកិច្ចទៅបរទេសលើកដំបូងរបស់លោក ចាប់តាំងពីផ្ទុះប្រតិបត្តិការសឹករបស់រុស្ស៊ីលើអ៊ុយក្រែនកាលពីឆ្នាំមុន ។

លោក Zelensky ដែលបានធ្វើទស្សនកិច្ចដ៏គួរឲ្យភ្ញាក់ផ្អើលទៅកាន់អង់គ្លេស និងបារាំង មុនពេលចុះចតនៅឯទីស្នាក់ការកណ្តាលរបស់សហភាពអឺរ៉ុបនៅទីក្រុងប្រ៊ុចសែល បាននិយាយថា ពេលនេះអ៊ុយក្រែនកំពុងតែឈ្នះសង្រ្គាម ហើយសមនឹងក្លាយជាសមាជិកនៃប្លុកអឺរ៉ុបហើយ ។

លោក Zelensky បានលើកឡើងថា “យើងកំពុងតតាំងនឹងកម្លាំងប្រឆាំងអឺរ៉ុបដ៏ធំបំផុតនៅក្នុងពិភពសម័យទំនើប ។ យើងកំពុងការពារជនជាតិអ៊ុយក្រែននៅលើសមរភូមិរួមគ្នាជាមួយអ្នក ដូច្នេះវាសមល្មមនឹងសម្រេចពីអនាគតរបស់អ៊ុយក្រែនចូលសមាជិកអឺរ៉ុប និងផ្ដល់អាវុធបន្ថែមផងដែរ” ។

កន្លងមក មេដឹកនាំសហភាពអឺរ៉ុបបានទទួលយកអ៊ុយក្រែនជាសមាជិកភាពនៃប្លុកមួយនេះហើយ ដោយគ្រាន់តែមិនបានប្តេជ្ញាចិត្តចំពោះការកំណត់ពេលវេលាជាក់លាក់ណាមួយនោះទេ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ដឹងទេ តាំងពីផ្ទុះប្រតិបត្តិការសឹករបស់ រុស្ស៊ី មក លោក Zelensky ធ្វើដំណើរ​ទៅប្រទេសណាខ្លះហើយ?