Connect with us

ព័ត៌មានអន្ដរជាតិ

លោក Lavrov ៖ អាមេរិក ទទួលស្គាល់ថា ពិតជាអ្នកបំផ្ទុះបំពង់បង្ហូរប្រេង Nord Stream មែន

បានផុស

នៅ

រដ្ឋមន្ត្រីការបរទេសរុស្ស៊ីលោក Sergey Lavrov បាននិយាយថា មន្ត្រីអាមេរិកទទួលស្គាល់ថា ពួកគេពិតជាអ្នកនៅពីក្រោយការបំផ្ទុះបំពង់បង្ហូរប្រេង Nord Stream ប្រាកដមែន ដោយលើកហេតុផល ដើម្បីការពារទំនាក់ទំនងរវាងទីក្រុងមូស្គូ និងទីក្រុងប៊ែរឡាំង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Lavrov បាននិយាយនៅក្នុងបទសម្ភាសន៍មួយដែលបានចេញផ្សាយនៅលើគេហទំព័ររបស់ក្រសួងការបរទេសកាលពីថ្ងៃអាទិត្យថា “សហរដ្ឋអាមេរិកបានសម្រេចចិត្តធ្វើបែបនេះ ដោយសារតែពួកគេគិតថា រុស្ស៊ីបានសហការយ៉ាងស្អិតរមួតជាមួយអាល្លឺម៉ង់ ពាក់ព័ន្ធនឹងបំពង់បង្ហូរប្រេង Nord Stream ក្នុងរយៈពេល ២០ ឬ ៣០ ឆ្នាំកន្លងមកនេះ“ ។

លោក Lavrov បានពន្យល់ថា “ឥទ្ធិពលធនធានថាមពលរបស់រុស្ស៊ី និងបច្ចេកវិទ្យាអាល្លឺម៉ង់ បានចាប់ផ្តើមគំរាមកំហែងដល់ទីតាំងផ្តាច់មុខជាច្រើននៃសាជីវកម្មអាមេរិក ដូច្នេះទើបទីក្រុងវ៉ាស៊ីនតោនបានសម្រេចចិត្តបំផ្លាញសម្ព័ន្ធភាពរវាងទីក្រុងមូស្គូ និងទីក្រុងប៊ែរឡាំង ដោយធ្វើការវាយប្រហារបំពង់បង្ហូរប្រេងដែលត្រូវបានសាងសង់ឡើង ដើម្បីបញ្ជូនឧស្ម័នរុស្ស៊ីទៅកាន់អឺរ៉ុបតាមរយៈប្រទេសអាល្លឺម៉ង់” ។

លោក Lavrov ទំនង​ជា​សំដៅ​ទៅ​លើ​ការ​សារភាព​ដែល​ធ្វើ​ឡើង ​ដោយ​អនុរដ្ឋមន្ត្រី​ការ​បរទេស​សហរដ្ឋ​អាមេរិក​ទទួល​បន្ទុក​កិច្ចការ​នយោបាយលោកស្រី Victoria Nuland ក្នុង​អំឡុង​ពេល​សវនាការ​ព្រឹទ្ធសភា​នៅ​ចុង​ខែ​មករា ដោយលោកស្រីបាននិយាយនៅពេលនោះថា “រដ្ឋបាលរបស់យើងពិតជារីករាយណាស់ដែលដឹងថា បំពង់បង្ហូរប្រេង Nord Stream 1 និង Nord Stream 2 ឥឡូវនេះជាដុំដែកនៅបាតសមុទ្រ” ។

លោក Lavrov បានបន្តទៀតថា “ភាពឃោរឃៅរបស់អ្នកនយោបាយលោកខាងលិចត្រូវបានគេដឹងយ៉ាងច្បាស់ក្រឡែត ហើយសកម្មភាពនេះគឺជាការញុះញង់ឲ្យអ៊ុយក្រែនប្រឆាំងនឹងរុស្ស៊ី ជាពិសេសលោកខាងលិចទាំងមូលបានយកសង្គ្រាមនៅអ៊ុយក្រែនប្រឆាំងរុស្ស៊ី និងឆ្លៀតឱកាសនេះបំផ្លាញការសហការថ្មីរវាងអាល្លឺម៉ង់ និងរុស្ស៊ី” ។

គួរបញ្ជាក់ថា ការអត្ថាធិប្បាយរបស់អ្នកការទូតកំពូលរបស់រុស្ស៊ីរូបនេះបានកើតឡើងតែប៉ុន្មានថ្ងៃប៉ុណ្ណោះ បន្ទាប់ពីអ្នកកាសែតស៊ើបអង្កេតដ៏ល្បីល្បាញរបស់អាមេរិកឈ្មោះ Seymour Hersh បានចេញផ្សាយរបាយការណ៍មួយ ដោយបន្ទោសលើទីក្រុងវ៉ាស៊ីនតោនចំពោះការបំផ្លិចបំផ្លាញបំពង់បង្ហូរ Nord Stream មួយនេះកាលពីឆ្នាំមុន ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ អង់គ្លេស កំពុងចរចាផែនការផលិតអាវុធរបស់ខ្លួននៅទឹកដី អ៊ុយក្រែន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

​រូប​ភាព​រលំបាក់​អគារ​គួររន្ធត់​នៅថៃ ប៉ុន្តែ​​អាជ្ញាធរ​​បញ្ជាក់ថា​ ចំនួន​អ្នកស្លាប់​មាន៩នាក់​ដល់​ពេលនេះ​

ព័ត៌មានអន្ដរជាតិ៣ ម៉ោង មុន

​​រហូត​ដល់​ពេល​នេះ មីយ៉ាន់​ម៉ារកឃើញ​អ្នក​ស្លាប់​​​និងរបួស​ជិត​៩០០​នាក់​ក្នុងគ្រោះរញ្ជួយដី​

ព័ត៌មានជាតិ៥ ម៉ោង មុន

ក្រុមហ៊ុន​បច្ចេកវិទ្យា​ទំនើប​​ចិន ប្ដេជ្ញា​ជំរុញ​កម្មវិធី​សិក្សា TVET កម្ពុជា ឱ្យ​ស្រប​តាមស្តង់ដារ​សិក្សា​នៃ​ប្រទេសចិន និងអាល្លឺម៉ង់

ព័ត៌មានជាតិ៧ ម៉ោង មុន

មន្ត្រីក្រសួងសេដ្ឋកិច្ច ៖ ម្ចាស់​អាជីវកម្ម ដែលប្រឈមហានិភ័យ ត្រូវ​មាន​ធានារ៉ាប់រង​សម្រាប់​អាជីវកម្ម​ខ្លួន

ព័ត៌មានអន្ដរជាតិ៩ ម៉ោង មុន

​​តើគ្រោះ​​រញ្ជួយដី​កើត​នៅ​មីយ៉ាន់​ម៉ា​​​ប៉ះពាល់​និង​ជះឥទ្ធិពលដល់​ណាខ្លះ?​

ព័ត៌មានអន្ដរជាតិ១១ ម៉ោង មុន

កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក

ព័ត៌មានជាតិ២១ ម៉ោង មុន

បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព

ក្រុងប៉ោយប៉ែត
សន្តិសុខសង្គម៩ ម៉ោង មុន

ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ

ព័ត៌មានអន្ដរជាតិ១១ ម៉ោង មុន

ការ​ខូចខាត​បឋម ព្រោះ​គ្រោះរញ្ជួយដីដ៏ខ្លាំងក្លា​ដែល​វាយប្រហារអាស៊ីអាគ្នេយ៍

ព័ត៌មានអន្ដរជាតិ១០ ម៉ោង មុន

នាយករដ្ឋមន្ត្រី​ថៃ ដាក់​ចេញ​បទបញ្ជា​​បន្ទាន់ដើម្បី​គ្រប់គ្រង់​គ្រោះរញ្ជួយដី​

Sokha Hotels

ព័ត៌មានពេញនិយម