ហ្វីលីពីន បន្ថែមប្រាក់១គុណនឹង៣ ដល់បុគ្គលិក Single ដែលធ្វើការនៅថ្ងៃ Valentine

ចៅហ្វាយក្រុងមួយនៅក្នុងប្រទេសហ្វីលីពីន បានប្រកាសផ្តល់ប្រាក់បន្ថែមដល់បុគ្គលិក Single រូបណា ដែលមកធ្វើការក្នុងទិវានៃក្តីស្រឡាញ់ ដើម្បីបង្ហាញពីការដឹងគុណសម្រាប់ពួកគេ និងដើម្បីបង្ហាញថា នៅមានមនុស្សដែលស្រឡាញ់ពួកគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកដែលកំព្រាបេះដូង នៅឯសាលាក្រុង General Luna ក្នុងខេត្ត Quezon នឹងទទួលបានប្រាក់ឈ្នួលប្រចាំថ្ងៃលើសពីធម្មតារហូតដល់ទៅ៣ដង ប្រសិនបើពួកគេនៅ Single លើសពីប្រាំឆ្នាំ។ នេះបើតាមការបញ្ជាក់ពី អភិបាលក្រុងលោក Matt Florido ប្រាប់ទៅ AFP។

ចំណែក បុគ្គលិកផ្សេងទៀតដែលមិនជ្រួលជ្រើមចំពោះពិធីបុណ្យនេះ នឹងទទួលបានប្រាក់ឈ្នួលគុណនឹងពីរ ឬអនុញ្ញាតឲ្យឈប់សម្រាកមួយថ្ងៃ។

លោក Florido អាយុ៤២ឆ្នាំ និយាយថា “ខ្ញុំដឹងពីអ្វីដែលពួកគេកំពុងឆ្លងកាត់ថ្ងៃនេះ ខ្ញុំមានអារម្មណ៍ចំពោះពួកគេ។ នៅទិវានៃក្តីស្រលាញ់ គ្មាននរណាផ្តល់សូកូឡាឬផ្កាឲ្យពួកគេទេ ដូច្នេះយើងគិតថា នឹងផ្តល់ការលើកទឹកចិត្តបែបនេះដល់ពួកគេ ដូច្នេះពួកគេក៏អាចមានអារម្មណ៍ថា មានអ្នកយកចិត្តទុកដាក់ និងស្រឡាញ់ពួកគេដែរ”។

គួរបញ្ជាក់ថា នេះ​ជា​ឆ្នាំ​ទី​បី​ជាប់​គ្នា​ហើយ​ដែលលោក Florido បាន​ផ្តល់​ប្រាក់​រង្វាន់​ដល់​ក្រុមអ្នក Single ដែលធ្វើការឲ្យរដ្ឋាភិបាលប្រចាំតំបន់ ហើយវ័យដែលមានសិទ្ធិទទួលបានអត្ថប្រយោជន៍នេះ គឺកំណត់ត្រឹម៦៤ឆ្នាំចុះ៕

ប្រែសម្រួល៖ Vann Vann

ប្រភពៈ CNA

ចុចអាន៖ ហ្វីលីពីន ប្រើវិធីគួរឲ្យសើច តែមានប្រសិទ្ធភាព ការពារសិស្សលួចចម្លងគ្នា ពេលប្រលង