ព័ត៌មានអន្ដរជាតិ

កូនប្រុសស្ថាបនិក Toyota លោក Shoichiro Toyoda ទទួលមរណភាពនៅអាយុ ៩៧ ឆ្នាំ

បានផុស

២ years មុន

នៅ

ថ្ងៃពុធ ១៥ កុម្ភៈ ២០២៣

ដោយ

លោក Shoichiro Toyoda កូនប្រុសរបស់ស្ថាបនិក Toyota Motor Corp និងជាឪពុករបស់នាយកប្រតិបត្តិបច្ចុប្បន្ន Akio Toyoda បានទទួលមរណភាពកាលពីថ្ងៃអង្គារ ទី១៤ ខែកុម្ភៈ ដោយសារជំងឺខ្សោយបេះដូងនៅអាយុ ៩៧ ឆ្នាំ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឆ្នាំ ១៩៥២ លោក Shoichiro បានដឹកនាំការពង្រីកក្រុមហ៊ុនផលិតរថយន្តជប៉ុនទៅកាន់ការផលិតនៅសហរដ្ឋអាមេរិក ហើយការបើកដំណើរការម៉ាកយីហោ Lexus ដ៏ប្រណិត និងរថយន្ត Prius hybrid ក៏ទទួលស្គាល់ជាសាកលសម្រាប់ការត្រួសត្រាយផ្លូវគំរូថ្មីសម្រាប់ការគ្រប់គ្រងគុណភាពក្នុងការផលិតទៀតផង ។

ដំបូងឡើយលោក Shoichiro ជានិស្សិតសិក្សាផ្នែកវិស្វកម្មបញ្ចប់ការសិក្សានៅសាកលវិទ្យាល័យ Tohoku ការងារទីមួយរបស់គាត់នៅក្រុមហ៊ុន Toyota មុនធ្វើជាអ្នកគ្រប់គ្រងគឺពិនិត្យមើលរថយន្តខូចដែលត្រូវបានប្រគល់មកក្រុមហ៊ុនវិញ ។

ជាមួយគ្នានេះដែរលោកនាយករដ្ឋមន្ត្រីជប៉ុន Fumio Kishida ថែមទាំងកោតសរសើរក្នុងសេចក្តីថ្លែងការណ៍មួយថា “Shoichiro Toyoda ជាអ្នកលើក Toyota ឱ្យក្លាយជាក្រុមហ៊ុនផលិតរថយន្តកំពូលរបស់ពិភពលោក” ៕

ប្រែសម្រួល ៖ វារី

ប្រភព ៖ Asianone

ចុចអាន ៖ តារាសម្ដែងអាមេរិកាំង Annie ទទួលមរណភាពនៅអាយុ ៤៥ ឆ្នាំ ដោយសារជំងឺមហារីក