ព័ត៌មានអន្ដរជាតិ

សម្ព័ន្ធមិត្តលោកខាងលិច ប្ដេជ្ញាគាំទ្រឲ្យ អ៊ុយក្រែន វាយលុកទៅ រុស្ស៊ី វិញ

បានផុស

២ years មុន

នៅ

ថ្ងៃពុធ ១៥ កុម្ភៈ ២០២៣

ដោយ

សម្ព័ន្ធមិត្តលោកខាងលិចរបស់អ៊ុយក្រែននិយាយថា ពួកគេសន្យានឹងគាំទ្រអ៊ុយក្រែនក្នុងការវាយលុកទៅកាន់រុស្ស៊ីវិញនៅចន្លោះខែមេសា និងឧសភាខាងមុខ បន្ទាប់ពីកងទ័ពទីក្រុងមូស្គូបានចាប់ផ្តើមសមរភូមិថ្មីនៅភាគខាងកើត ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីការពារជាតិមកពី ៥០ ប្រទេសបានប្រមូលផ្តុំគ្នានៅទីក្រុងប្រ៊ុចសែលកាលពីថ្ងៃអង្គារ ដោយនិយាយថា វាគឺជាពេលវេលាដ៏សំខាន់សម្រាប់សន្តិសុខរបស់ពួកគេ ហើយប្រទេសសម្ព័ន្ធមិត្តទាំងនេះនឹងនៅពីក្រោយ ក៏ដូចជាគាំទ្រអ៊ុយក្រែនជានិច្ច ដើម្បីប្រយុទ្ធស្វែងរកសេរីភាព ។

ទន្ទឹមនោះ រដ្ឋមន្ត្រីការពារជាតិអាមេរិកលោក Lloyd Austin បាននិយាយថា អ្វីដែលអ៊ុយក្រែនត្រូវធ្វើដំបូងគេ គឺបង្កើនសន្ទុះ និងបង្កើតលក្ខខណ្ឌដែលល្អនៅលើសមរភូមិប្រយុទ្ធ ។

ចំណែកពាក់ព័ន្ធនឹងការមិនផ្ដល់យន្តហោះចម្បាំងដល់អ៊ុយក្រែន, លោក Austin បញ្ជាក់ថា រដ្ឋមន្ត្រីការពារជាតិមិនឃើញមានសញ្ញាណាមួយដែលបង្ហាញថា រុស្ស៊ីកំពុងត្រៀមខ្លួនសម្រាប់ការវាយប្រហារតាមអាកាសដ៏ធំនោះទេ ទើបយើងសម្រេចចិត្តមិនបញ្ជូនសព្វាវុធបែបនេះ ទោះបីជាមេដឹកនាំអ៊ុយក្រែនបានស្នើឲ្យសម្ព័ន្ធមិត្តផ្គត់ផ្គង់យន្តហោះដល់ពួកគេក៏ដោយ ។

មកដល់ពេលនេះ ទាហានរុស្ស៊ីកំពុងវាយលុកកយ៉ាងសន្ធប់ ដើម្បីដណ្តើមយកទីក្រុង Bakhmut ដែលពួកគេមើលឃើញថា ទីតាំងដ៏ល្អមួយនៅភាគខាងកើត ប៉ុន្តែទោះជាយ៉ាងណាក៏ដោយ មន្ត្រីអាមេរិកនិយាយថា ជ័យជម្នះនៅទីនោះ នឹងមិនមានឥទ្ធិពលជាយុទ្ធសាស្ត្រលើសង្គ្រាមទាំងមូលនោះទេ ៕