រុស្ស៊ី បញ្ជូនយន្តហោះទម្លាក់គ្រាប់បែកនុយក្លេអ៊ែរ ទៅលើសមុទ្រ ជិតរដ្ឋ អាឡាស្កា

ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានបញ្ជូនយន្តហោះទម្លាក់គ្រាប់បែកនុយក្លេអ៊ែរ ដើម្បីបង្ហាញកម្លាំងទៅកាន់ប្រទេសលោកខាងលិច ខណៈន័រវេស ព្រមានថា រុស្ស៊ីបានដាក់ពង្រាយនាវាបំពាក់អាវុធនុយក្លេអ៊ែរយុទ្ធសាស្ត្រនៅសមុទ្របាល់ទិក ជាលើកដំបូងក្នុងរយៈពេល៣០ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យន្តហោះខ្លាឃ្មុំ Tu-95MS បានហោះហើររយៈពេលជាង៧ម៉ោងលើសមុទ្រ Bering អមដោយយន្តហោះចម្បាំង Su-30 ចេញពីស្រុកយោធាភាគខាងកើតរបស់រុស្ស៊ី។

សមុទ្រ Bering ជាកន្លែងបំបែករដ្ឋ Alaska របស់សហរដ្ឋអាមេរិក និងចុងភាគខាងកើតរបស់រុស្ស៊ី។

ចាប់តាំងពីលោក ពូទីន បើកការលុកលុយអ៊ុយក្រែនក្នុងខែកុម្ភៈឆ្នាំ២០២២មក មន្ត្រីរុស្ស៊ី និងប្រព័ន្ធឃោសនាក្រុងមូស្គូ បានគំរាមប្រទេសលោកខាងលិចម្តងហើយម្តងទៀត ជាមួយការប្រើប្រាស់អាវុធនុយក្លេអ៊ែរ។

វោហាសាស្រ្តរបស់រុស្ស៊ី កាន់តែខ្លាំងឡើងៗប្រឆាំងនឹងសម្ព័ន្ធមិត្តរបស់អ៊ុយក្រែនក្នុងរយៈពេលប៉ុន្មានខែថ្មីៗនេះ ខណៈពួកគេបានសន្យាផ្តល់អាវុធដ៏មានឥទ្ធិពលកាន់តែច្រើន ដល់ទីក្រុងកៀវ ដើម្បីប្រយុទ្ធក្នុងសង្គ្រាមដែលកំពុងបន្ត៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ រុស្ស៊ី គំរាមឆ្លើយតបធ្វើឲ្យពិភពលោកទាំងមូលជួបផលវិបាក បើសិន អង់គ្លេស ផ្តល់យន្តហោះចម្បាំងឲ្យ អ៊ុយក្រែន