ថៃ យកយន្តហោះទ័ពអាកាសទៅដឹកសាកសព និងពលរដ្ឋខ្លួននៅ តួកគី

យន្តហោះកងទ័ពអាកាសថៃដែលធ្វើដំណើរទៅកាន់ប្រទេសតួកគីដើម្បីដឹកសាកសព និងពលរដ្ឋរបស់ខ្លួនចំនួន ​៣៦ ​នាក់ បានត្រឡប់​មក​ដល់ប្រទេស​វិញហើយ ប្រកប​ដោយ​សុវត្ថិភាព ។

យោងតាមទំព័រហ្វេសប៊ុករបស់ក្រសួងការបរទេសថៃបានឲ្យដឹងថា យន្តហោះរបស់កងទ័ពអាកាសថៃ(A340-500) បានត្រឡប់មកដល់ប្រទេសថៃវិញហើយកាលពីវេលាម៉ោង ៩ និង ៣០ នាទីយប់ថ្ងៃទី១៦ ខែកុម្ភៈ ឆ្នាំ២០២៣ ក្រោយបានបញ្ចប់បេសកកម្មដឹកជញ្ជូន និងសង្គ្រោះប្រជាពលរដ្ឋថៃពីប្រទេសតួកគី ដែលកំពុងជួបគ្រោះរញ្ជួយដីកាលពីដើមកុម្ភៈកន្លងមកនេះ ។

គួរឲ្យដឹងថា ផ្នែកខ្លះនៃប្រទេសតួកគី និងស៊ីរី បានរងការវាយប្រហារដោយការរញ្ជួយដីដ៏ខ្លាំងក្លា ខណៈគិតត្រឹមពេលនេះ ចំនួនអ្នកស្លាប់ចុងក្រោយ ដោយសារមហន្តរាយដ៏បំផ្លិចបំផ្លាញមួយនេះបានកើនឡើងដល់ជាង ៣៦,១០០ នាក់ហើយ ៕

ប្រែសម្រួលដោយ ៖ គង់ សំអាន

ប្រភព ៖ Daily News

ចុចអាន ៖ ការងារទាំង ២៧ ថៃទុកសម្រាប់តែប្រជាជនខ្លួនប៉ុណ្ណោះ បើពលករចំណាកស្រុកហ៊ានធ្វើ គឺខុសច្បាប់