ព័ត៌មានអន្ដរជាតិ

ថៃ កំពុងប្រុងប្រយ័ត្នខ្ពស់ ចំពោះមេរោគកាចសាហាវ Marburg (មានវីដេអូ)

បានផុស

១ year មុន

នៅ

ថ្ងៃសុក្រ ១៧ កុម្ភៈ ២០២៣

ដោយ

ក្រសួងសុខាភិបាលសាធារណៈថៃ បានបង្កើនការប្រុងប្រយ័ត្នខ្ពស់ ប្រឆាំងនឹងមេរោគ Marburg ដែលបច្ចុប្បន្ន កំពុងរីករាលដាលយ៉ាងខ្លាំង នៅតំបន់អាហ្រ្វិកកណ្តាល ហើយបានឆក់យកជីវិតមនុស្សចំនួន៦នាក់ហើយនៅក្នុងតំបន់នោះ។

លោក Opas Karnkawinpong លេខាធិការអចិន្ត្រៃយ៍របស់ក្រសួងសុខាភិបាលសាធារណៈថៃ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួង បានដាក់ចេញវិធានការត្រួតពិនិត្យ លើអ្នកធ្វើដំណើរទាំងអស់មកពីប្រទេស ហ្គីណេអេក្វាទ័រនិងប្រទេសនៅជិតខាងនោះ ដើម្បីទប់ស្កាត់ការឆ្លងក្នុងតំបន់។

លោក Opas Karnkawinpong លេខាធិការអចិន្ត្រៃយ៍របស់ក្រសួងបាននិយាយថា ក្រសួងបាននិងកំពុងតាមដានយ៉ាងដិតដល់ នូវការផ្ទុះឡើងនៃជំងឺនេះ។

មេរោគនេះ គឺជាសែស្រឡាយរបស់មេរោគ អេបូឡា ដែលអាចឆ្លងតាមរយៈសារធាតុរាវនៅក្នុងខ្លួនមនុស្ស។

លោកវេជ្ជបណ្ឌិត Opas និយាយថា “មេរោគដើមត្រូវបានគេរកឃើញនៅក្នុងសត្វប្រចៀវ ហើយអាចឆ្លងទៅមនុស្ស។ បច្ចុប្បន្ន មិនមានវ៉ាក់សាំង ឬថ្នាំដើម្បីសម្លាប់វាទេ។ ការព្យាបាលត្រូវបានធ្វើឡើងដោយផ្អែកលើរោគសញ្ញារបស់អ្នកជំងឺ”។

ទោះបីជាយ៉ាងណាក៏ដោយ លោក Tares Krassanairawiwong ប្រធាននាយកដ្ឋានគ្រប់គ្រងជំងឺថៃ បាននិយាយថា “នាយកដ្ឋានមិនមានផែនការដាក់បម្រាមធ្វើដំណើរទេ។ ប៉ុន្តែយើងនឹងពិនិត្យលើអ្នកធ្វើដំណើរមកពីប្រទេស ហ្គីណេអេក្វាទ័រ និងប្រទេសជិតខាងនោះ”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Bangkok Post

ចុចអាន៖ ជំងឺសាហាវបំផុតមួយ សម្លាប់មនុស្ស ៩នាក់ ក្នុងប្រទេសនៅទ្វីបអាហ្វ្រិក