គ្រួសារ ស៊ីរី រួចជីវិតពីគ្រោះរញ្ជួយដីនៅ តួកគី បែរជាមកស្លាប់ ដោយសារ​ភ្លើងឆេះ

ជនរងគ្រោះស៊ីរីចំនួន ៧ នាក់ដែលរស់រានមានជីវិតពីការរញ្ជួយដីនៅភាគកណ្ដាលប្រទេសតួកគី បែរជាមកបាត់បង់ជីវិតក្នុងហេតុការណ៍ផ្ទុះឆេះមួយនៅកណ្ដាលទីក្រុង Konya បន្ទាប់ពីបាក់ដំបូលផ្ទះដែលពួកគេកំពុងស្នាក់នៅ ។

អគ្គីភ័យ​បាន​ឆាបឆេះ​ផ្ទះ​មួយកន្លែង​ដែលក្រុម​គ្រួសារ​ជនជាតិ​ស៊ីរីកំពុង​ស្នាក់នៅ ខណៈភ្លាមៗនោះប៉ូលិស និងអ្នកពន្លត់អគ្គិភ័យ ក៏ដូចជាក្រុមសេវាសង្គ្រោះបន្ទាន់ចំនួន ១១២ នាក់ត្រូវបានបញ្ជូនទៅកាន់កន្លែងកើតហេតុ ដើម្បីជួយសង្គ្រោះ ។

បន្ទាប់ពីពន្លត់ភ្លើងរួចមក សាកសពចំនួន ៧ នាក់នៃគ្រួសារនោះ រួមទាំងឪពុកម្ដាយ និងកូនចំនួន ៥ នាក់ ដែលជាជនរងគ្រោះនៃគ្រោះរញ្ជួយដីដ៏សាហាវកាលពីពេលកន្លងមកនេះ ត្រូវបានគេរកឃើញនៅក្នុងភ្នក់ភ្លើង ។

គួរបញ្ជាក់ថា គ្រួសារនេះមកពីស្រុក Nurdagi នៃខេត្ត Gaziantep ដែលត្រូវបានវាយប្រហារយ៉ាងធ្ងន់ធ្ងរដោយការរញ្ជួយដី ឆក់យកជីវិតមនុស្សរាប់ពាន់នាក់ និងបណ្តាលឲ្យមានការបំផ្លិចបំផ្លាញដ៏ធំ ហើយក្រោយពីការរញ្ជួយដីនោះ ម្តាយឪពុក និងកូនទាំងនេះបានពិការ ហើយត្រូវបានសាច់ញាតិរបស់ពួកគេនាំយកទៅរស់នៅទីក្រុង Konya ៕

ប្រែសម្រួលដោយ ៖ ជីវ័ន្ត

ប្រភព ៖ Daily Sabah

ចុចអាន ៖ អ៊ុយក្រែន អះអាងថា រុស្ស៊ី ទើបតែប្រើមីស៊ីលជំនាន់ឆ្នាំ ៦០ ប៉ុណ្ណោះ