រុស្ស៊ី ទម្លាយតម្លៃខ្លួនទាហានស៊ីឈ្នួល ដែលអ៊ុយក្រែនជួលឲ្យប្រយុទ្ធនៅសមរភូមិ (មានវីដេអូ)

ប្រធានគណៈកម្មាធិការស៊ើបអង្កេតរបស់រុស្ស៊ី លោក Alexander Bastrykin បានប្រាប់កាសែត TASS កាលពីថ្ងៃចន្ទទី២០ខែកុម្ភៈថា ទាហានស៊ីឈ្នួលបរទេស ដែលត្រូវបានជួលឲ្យប្រយុទ្ធសម្រាប់ភាគីអ៊ុយក្រែន ទទួលបានប្រាក់ចន្លោះពី ៨២០ ទៅ ២៧៣៤ដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបាននិយាយនៅក្នុងបទសម្ភាសជាមួយ TASS ថា “ការស៊ើបអង្កេតបានទទួលព័ត៌មានថា ដោយមានការគាំទ្រពីលោកខាងលិច ទីក្រុងកៀវ បានលើកទឹកចិត្តឲ្យមានការចូលរួមពីសំណាក់ទាហានស៊ីឈ្នួល ក្នុងសកម្មភាពប្រយុទ្ធនៅខាងអ៊ុយក្រែន ដែលរឿងនេះត្រូវបានហាមឃាត់ដោយបទដ្ឋានអន្តរជាតិ”។

លោក Bastrykin បានកត់សម្គាល់ថា ជនបរទេសដែលមកដល់ក្នុងនាមជាអ្នកស្ម័គ្រចិត្ដទៅកាន់ប្រទេសអ៊ុយក្រែន ជារឿយៗត្រូវបានផ្តល់សញ្ជាតិអ៊ុយក្រែនក្រោមនីតិវិធីសាមញ្ញមួយ ហើយក្រោយមកបានចូលរួមជាមួយយោធាអ៊ុយក្រែន ក្នុងសកម្មភាពប្រយុទ្ធតែម្តង។

គួរបញ្ជាក់ជាថ្មី​ នៅថ្ងៃទី២១ខែកុម្ភៈឆ្នាំ២០២២ ប្រធានាធិបតីរុស្ស៊ីលោក វ្ល៉ាឌីមៀរ ពូទីន បានប្រកាសថា ទីក្រុងមូស្គូនឹងទទួលស្គាល់អធិបតេយ្យរបស់សាធារណរដ្ឋប្រជាមានិត Donetsk និង Lugansk។

រុស្ស៊ីបានចុះហត្ថលេខាលើកិច្ចព្រមព្រៀងស្តីពីមិត្តភាព កិច្ចសហប្រតិបត្តិការ និងជំនួយឲ្យគ្នាទៅវិញទៅមកជាមួយមេដឹកនាំតំបន់ទាំងនោះ ហើយទីក្រុងមូស្គូ បានទទួលស្គាល់សាធារណរដ្ឋ Donbass ដោយអនុលោមតាមរដ្ឋធម្មនុញ្ញ Donetsk និង Lugansk ដើមឆ្នាំ២០១៤៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ TASS

ចុចអាន៖ ប្រភពមួយ ទម្លាយស្ថានភាព និងរយៈពេលដែលលោក Zelensky លាក់ខ្លួនពួនអាត្មាក្នុងលេណដ្ឋាន កាលជម្លោះផ្ទុះឡើងដំបូង