ព័ត៌មានអន្ដរជាតិ
ចិន បិទទីក្រុងចំនួន៤ បន្ទាប់ពីផ្ទុះការឆ្លងកូវីដខ្លាំងបំផុតក្នុងរយៈពេល៥ខែ
ប្រទេសចិនបានកត់ត្រានូវការកើនឡើងខ្ពស់បំផុត នៃករណីជំងឺកូវីដ១៩ក្នុងរយៈពេលជាង៥ ខែ ខណៈទីក្រុងចំនួនបួនត្រូវបានបិទក្នុងគោលបំណងការពារកុំឲ្យមានរលកនៃការឆ្លងផ្សេងទៀត នៅក្នុងប្រទេសសេដ្ឋកិច្ចធំបំផុតលំដាប់ទី២នៅលើពិភពលោកមួយនេះ។
ទិន្នន័យផ្លូវការបានបង្ហាញនៅថ្ងៃពុធទី១៣ខែមករានេះថា អ្នកជំងឺថ្មីភាគច្រើនត្រូវបានគេរាយការណ៍ នៅជិតរដ្ឋធានីប៉េកាំងប៉ុន្តែខេត្តមួយនៅភាគឦសានប្រទេសចិន ក៏មានការកើនឡើងនូវករណីថ្មីផងដែរ ស្របពេលការផ្ទុះឡើងថ្មី បានធ្វើឲ្យមនុស្សជាង២៨លាននាក់ត្រូវដាក់ខ្លួននៅដាច់ដោយឡែកក្នុងផ្ទះ។
គណៈកម្មការសុខភាពជាតិបាននិយាយនៅក្នុងសេចក្តីថ្លែងការណ៍មួយថា ករណីឆ្លងថ្មីសរុប១១៥ករណី ត្រូវបានរាយការណ៍នៅចិនដីគោក បើប្រៀបធៀបទៅនឹង៥៥ករណីនៅថ្ងៃមុននេះ។ នេះគឺជាការកើនឡើងប្រចាំថ្ងៃខ្ពស់បំផុត ចាប់តាំងពីថ្ងៃទី៣០ខែកក្កដាមក។
គណៈកម្មការបាននិយាយថា ១០៧ករណីនៃករណីថ្មីគឺជាការឆ្លងក្នុងសហគមន៍។ ខេត្ត Hebei ដែលព័ទ្ធជុំវិញទីក្រុងប៉េកាំងមានចំនួន៩០ករណីខណៈ ខេត្ត Heilongjiang ភាគឦសានបានរាយការណ៍ពីករណីថ្មីចំនួន១៦ករណី។
ខេត្ត Hebei បានបិទទីក្រុងចំនួន៣គឺ Shijiazhuang, Xingtai និង Langfang ដែលជាផ្នែកមួយនៃកិច្ចប្រឹងប្រែងដើម្បីការពារវីរុស កុំឲ្យរីករាលដាលតទៅទៀត។
នៅថ្ងៃពុធនេះ ខេត្ត Heilongjiang បានប្រកាសអាសន្នអំពីជំងឺកូវីដ១៩។ ទីក្រុង Suihua ដែលមានព្រំប្រទល់ជាប់ក្រុង Harbin បានដាក់ប្រជាជនរបស់ខ្លួនចំនួន៥.២លាននាក់ក្នុងការរឹតត្បិត៕
ប្រែសម្រួលដោយ៖ Vann Vann
ប្រភព៖ The Straits Times
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង