រញ្ជួយដីថ្មីវាយប្រហារកន្លែងដដែលនៅតួកគី បណ្តាលឲ្យមនុស្សស្លាប់និងរបួស ជិត៧០០នាក់ទៀត

មនុស្ស៣នាក់បានស្លាប់បន្ទាប់ពីការរញ្ជួយដីកម្រិត ៦.៤រ៉ិចទ័រ បានវាយប្រហារភាគខាងត្បូងប្រទេសតួកគីកាលពីថ្ងៃចន្ទទី២១ខែកុម្ភៈ ពោលគឺប៉ុន្មានសប្តាហ៍បន្ទាប់ពីគ្រោះរញ្ជួយដីដ៏ខ្លាំងក្លា​ បានបំផ្លិចបំផ្លាញតំបន់នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងការរញ្ជួយថ្មីនេះ មនុស្សជាង៦៨០នាក់ ក៏បានរងរបួសផងដែរនៅក្នុងប្រទេសតួកគី និងស៊ីរី។

ទីភ្នាក់ងារគ្រោះមហន្តរាយ និងគ្រាអាសន្នតួកគី Afad បាននិយាយថា ការរញ្ជួយ បានកើតឡើងនៅម៉ោង២០:០៤នាទី (ម៉ោងនៅតួកគី)។

គួរបញ្ជាក់ជាថ្មី ការរញ្ជួយដីកម្រិត ៧.៨រ៉ិចទ័រ បានវាយប្រហារតំបន់ដូចគ្នានេះ កាលពីថ្ងៃទី០៦ខែកុម្ភៈ ដែលបានសម្លាប់មនុស្សជាង៤៤០០០នាក់នៅក្នុងប្រទេសទាំងពីរ។

រដ្ឋមន្ត្រីក្រសួងមហាផ្ទៃតួកគីលោក Süleyman Soylu និយាយថា មនុស្សស្លាប់ដោយការរញ្ជួយកាលពីថ្ងៃចន្ទ គឺត្រូវបានរកឃើញនៅក្រុង Antakya, Defne និង Samandagi៕

ប្រែសម្រួល៖ Vann Vann

ប្រភព៖ BBC

ចុចអាន៖ តួកគី ចាប់ខ្លួនអ្នកម៉ៅការសំណាង់ជាង១០០នាក់ បន្ទាប់ពីគ្រោះរញ្ជួយដី