ព័ត៌មានអន្ដរជាតិ

ដុំភ្លើងធ្លាក់នៅរដ្ឋតិចសាស់ ត្រូវអង្គការណាសាអះអាងថាជាអាចម៍ផ្កាយ

បានផុស

២ years មុន

នៅ

ថ្ងៃអង្គារ ២១ កុម្ភៈ ២០២៣

ដោយ

វត្ថុអាថ៌កំបាំងដែលធ្លាក់ជិត McAllen នៅភាគខាងត្បូងនៃរដ្ឋតិចសាស ក្បែរព្រំដែនម៉ិកស៊ិក កាលពីសប្ដាហ៍មុនត្រូវគេកំណត់ថាជាអាចម៍ផ្កាយ អ្នកជំនាញណាសា ជឿថាវត្ថុនោះមានទម្ងន់ ១០០០ ផោនមុនពេលបំបែកជាបំណែកតូចៗ ។

យោងតាមរ៉ាដាអាកាសធាតុរបស់ណាសា គេកំណត់បានថាជាអាចម៍ផ្កាយពិតមែន ហើយមានល្បឿនលឿនប្រហែល ២៧,០០០ ម៉ាយក្នុងមួយម៉ោងទៀតផង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបខាងលើបានពី American Meteor Society ដែលជាអង្គការប្រមូលនិងផ្សព្វផ្សាយព័ត៌មានអំពីអាចម៍ផ្កាយ ពួកគេនិយាយថាក្នុងរយៈពេលបីថ្ងៃអាចម៍ផ្កាយបីគ្រាប់ធ្លាក់ចុះមកផែនដីនៅរដ្ឋតិចសាស បារាំង និងអ៊ីតាលី ។

ជារឿយៗអាចម៍ផ្កាយត្រូវប្រមូលទុកដោយស្ថាប័ន Smithsonian និងស្ថាប័នផ្សេងទៀត ដោយឡែកអាចម៍ផ្កាយខាងលើមិនមានបង្កការខូចខាតទេ ប៉ុន្តែវាផ្ទុកថាមពលស្មើ TNT ដល់ទៅ ៨ តោនឯណោះ ។ ថ្មពីលំហដែលមានទំហំតូចជាង ៨២ ហ្វីតត្រូវឆេះអស់មុនពេលធ្លាក់ដល់ផ្ទៃដីទើបមិនអាចបង្កការខូចខាតដល់ផែនដីឡើយ ។

គួរបន្ថែមថារៀងរាល់ ២ ពាន់ឆ្នាំម្ដងអាចម៍ផ្កាយទំហំប៉ុនទីលានបាល់ទាត់មួយនឹងវាយប្រហារមកលើផែនដីបណ្ដាលឱ្យមានការខូចខាតយ៉ាងធ្ងន់ធ្ងរ ហើយរាល់ថ្ងៃធូលីទំហំប៉ុនខ្សាច់ជាង ១០០ តោនត្រូវធ្លាក់មកដូចគ្នា ៕

ប្រែសម្រួល ៖ វារី

ប្រភព ៖ CBSNEWS

ចុចអាន ៖ ឆ្នាំនេះ ណាសា បញ្ជូនយានឆ្ពោះទៅ អាចម៍ផ្កាយសម្បូរលោហធាតុ ដែលសមល្មមឲ្យមនុស្សមួយផែនដី ក្លាយជាមហាសេដ្ឋី (មានវីដេអូ)