ព័ត៌មានអន្ដរជាតិ
ចិន ជំរុញឲ្យមានការស៊ើបអង្កេតច្បាស់លាស់ចំពោះហេតុការណ៍ផ្ទុះបំពង់បង្ហូរប្រេង Nord Stream
លោក Wang Wenbin អ្នកនាំពាក្យក្រសួងការបរទេសចិនថ្លែងថា ចិនជំរុញឲ្យមានការស៊ើបអង្កេតប្រកបដោយភាពត្រឹមត្រូវ និងមិនលំអៀងចំពោះហេតុការណ៍បំផ្ទុះបំពង់បង្ហូរប្រេង Nord Stream ដែលជាខ្សែជីវិតថាមពលដ៏សំខាន់របស់អឺរ៉ុប ដើម្បីផ្តល់ចម្លើយដល់សហគមន៍អន្តរជាតិ ។

លោក Wang បាននិយាយថា ការផ្ទុះនេះបានជះឥទ្ធិពលអវិជ្ជមានយ៉ាងខ្លាំងដល់ទីផ្សារថាមពលពិភពលោក ជាពិសេសបរិស្ថានអេកូឡូស៊ីពិភពលោក ហើយថែមទាំងបានបញ្ជូនអឺរ៉ុបធ្លាក់ចូលទៅក្នុងវិបត្តិថាមពលរដូវរងាទៀតផង ។
ក្រោយការផ្ទុះនេះ អាមេរិក សហភាពអឺរ៉ុប និងអង្គការណាតូ សុទ្ធតែនិយាយថា គឺបណ្តាលមកពីចេតនាចង់បំផ្លាញទាំងស្រុង ខណៈដែលលោក វ្ល៉ាឌីមៀរ ពូទីន វិញបានបង្ហាញថា បំពង់បង្ហូរប្រេង Nord Stream បានទទួលរងការវាយប្រហារដោយភេរវកម្មអន្តរជាតិដែលមិនធ្លាប់មានពីមុនមក ។

ប៉ុន្តែចំពោះរបាយការណ៍ដ៏គួរឲ្យភ្ញាក់ផ្អើលមួយរបស់អ្នកកាសែតស៊ើបអង្កេតអាមេរិកឈ្មោះ Seymour Hersh ដែលចេញផ្សាយកាលពីថ្ងៃទី៨ ខែកុម្ភៈ បានចោទប្រកាន់ចំៗទៅលើអាមេរិកថា ជាអ្នកនៅពីក្រោយការបំផ្ទុះបំពង់នេះ ។ ទន្ទឹមនឹងនោះ អ្នកកាសែតជនជាតិអាមេរិកម្នាក់ទៀតឈ្មោះ John Dougan ក៏បានបង្ហាញភស្តុតាងដូចគ្នានេះផងដែរថា អាមេរិកជាអ្នកបំផ្លិចបំផ្លាញបំពង់បង្ហូរប្រេង Nord Stream នៅសមុទ្របាល់ទិក ។
សូមបញ្ជាក់ថា នៅថ្ងៃទី ២៦ ខែកញ្ញា ឆ្នាំ ២០២២ បំពង់បង្ហូរប្រេងក្រោមទឹករបស់រុស្ស៊ីចំនួន ២ ដែលផ្ទុកឧស្ម័នធម្មជាតិទៅកាន់ទ្វីបអឺរ៉ុបគឺ Nord Stream 1 និង Nord Stream 2 បានផ្ទុះក្រោមសមុទ្របាល់ទិកក្នុងថ្ងៃតែមួយ ដែលបណ្តាលឲ្យឧស្ម័នជាច្រើនលេចធ្លាយចូលទៅក្នុងសមុទ្រក្បែរនោះ ៕
ប្រែសម្រួលដោយ៖ នាង រតនៈ
ប្រភព ៖ Global Times
ចុចអាន ៖ លោក Zelensky អះអាងថា អ៊ុយក្រែន នឹងបញ្ចប់ប្រតិបត្តិការសឹករបស់ រុស្ស៊ី នៅឆ្នាំនេះ

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៦ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ