១១ចំណុចសំខាន់ ដែលលោក ពូទីន បង្ហាញទៅពិភពលោក ក្នុងសុន្ទរថាពិសេស

ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានថ្លែងសុន្ទរកថាប្រចាំឆ្នាំ ទៅកាន់សភាសហព័ន្ធកាលពីថ្ងៃទី២១ខែកុម្ភៈ ដោយគូសបញ្ជាក់ថា សុន្ទរកថារបស់លោកបានកើតឡើងនៅចំពេលវេលាមានការផ្លាស់ប្តូរយ៉ាងខ្លាំងនៅក្នុងពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសុន្ទរកថានៅសាល Gostiny Dvor នៃទីក្រុងមូស្គូ ប្រធានាធិបតីរុស្ស៊ីរូបនេះ បានផ្តោតសំខាន់លើវិបត្តិនៅអ៊ុយក្រែន និងវិបត្តិសន្តិសុខពិភពលោកកាន់តែទូលំទូលាយ។

ខាងក្រោមនេះគឺ​ជា​ចំណុច​សំខាន់ៗទាំង១១ ​ដែលត្រូវ​បាន​ដក​ស្រង់​ចេញ​ពី​សុន្ទរកថារបស់លោក ពូទីន៖

1. រុស្ស៊ី​ផ្អាក​ការ​ចូលរួម​ក្នុង​សន្ធិសញ្ញា New START។
2. សាធារណរដ្ឋ Donbass ជឿជាក់ និងរំពឹងថា រុស្ស៊ីនឹងមកជួយសង្គ្រោះពួកគេ។
3. គ្មានប្រទេសណាលើពិភពលោក មានមូលដ្ឋានទ័ពនៅបរទេសច្រើនដូចអាមេរិកទេ ពួកគេមានរាប់រយ។
4. ក្នុងទស្សវត្សរ៍ឆ្នាំ១៩៣០ ប្រទេសលោកខាងលិច បានត្រួសត្រាយផ្លូវឆ្ពោះទៅកាន់អំណាចសម្រាប់ពួកណាស៊ីនៅក្នុងប្រទេសអាល្លឺម៉ង់ ហើយឥឡូវនេះពួកគេបានប្រែក្លាយអ៊ុយក្រែនទៅជា អ្នកប្រឆាំងរុស្ស៊ី។
5. ការដាក់ទណ្ឌកម្មប្រឆាំងរុស្ស៊ីគ្រាន់តែជាមធ្យោបាយប៉ុណ្ណោះ ខណៈគោលដៅរបស់លោកខាងលិចគឺធ្វើឲ្យប្រជាជនរុស្ស៊ីរងទុក្ខ
6. រុស្ស៊ីត្រូវបានបដិសេធរាល់ពេលដែលខ្លួនស្នើសុំការធានាសន្តិសុខ ហើយច្បាស់ណាស់ថា ការគំរាមកំហែងពីប្រទេសលោកខាងលិច កំពុងតែកើនឡើងជារៀងរាល់ថ្ងៃ។
7. រុស្សីមិនស្ថិតក្នុងសង្រ្គាមជាមួយប្រជាជនអ៊ុយក្រែន ដែលបានក្លាយជាចំណាប់ខ្មាំងរបស់ទីក្រុងកៀវនោះទេ។
8. ប្រទេសលោកខាងលិចមិនបោះបង់ចោលការប៉ុនប៉ងញុះញង់រដ្ឋក្រោយសូវៀតឡើយ។
9. ប្រទេសលោកខាងលិច ជាប់ពាក់ព័ន្ធដោយផ្ទាល់នៅក្នុងការប៉ុនប៉ងរបស់ទីក្រុងកៀវ ដើម្បីធ្វើការវាយប្រហារលើវត្ថុយុទ្ធសាស្ត្ររបស់រុស្ស៊ី។
10.  ប្រទេសលោកខាងលិចបានចំណាយប្រាក់១៥០ពាន់លានដុល្លាររួចទៅហើយ លើជំនួយយោធាដល់អ៊ុយក្រែន
11.  ជាលទ្ធផលនៃសង្រ្គាមដែលសហរដ្ឋអាមេរិកបានធ្វើឡើងចាប់តាំងពីឆ្នាំ២០០១មក មនុស្សជិត៩០ម៉ឺននាក់បានស្លាប់ និងជាង ៣៨លាននាក់ក្លាយជាជនភៀសខ្លួន៕

ប្រែសម្រួល៖ Vann Vann

ប្រភព៖ Sputnik

ចុចអាន៖ លោក ពូទីន ធានាមិនសម្លាប់ប្រធានាធិបតី អ៊ុយក្រែន