ព័ត៌មានអន្ដរជាតិ
ខេត្តមួយចំនួនរបស់ចិន អនុញ្ញាតឲ្យសុំច្បាប់ឈប់សម្រាករៀបការ ដល់ទៅ៣០ថ្ងៃ ដើម្បីជំរុញអត្រាកំណើត (មានវីដេអូ)
សារព័ត៌មាន People’s Daily Health របស់បក្សកុម្មុយនិស្តចិន បានចុះផ្សាយកាលពីថ្ងៃអង្គារទី២១ខែកុម្ភៈថា ខេត្តមួយចំនួនរបស់ប្រទេសចិន កំពុងផ្តល់ការឈប់សម្រាកសម្រាប់គូស្នេហ៍ថ្មីថ្មោងចំនួន៣០ថ្ងៃ ក្នុងក្តីសង្ឃឹមលើកទឹកចិត្តដល់ការរៀបអាពាហ៍ពិពាហ៍ និងជំរុញអត្រាកំណើត។

ការសុំច្បាប់រៀបអាពាហ៍ពិពាហ៍ដែលមានប្រាក់ឈ្នួលអប្បបរមារបស់ប្រទេសចិនគឺ ៣ថ្ងៃ ប៉ុន្តែខេត្តនានាអាចកំណត់ប្រាក់ឧបត្ថម្ភផ្ទាល់ខ្លួនបន្ថែមទៀត ចាប់ពីខែកុម្ភៈទៅ។
យោងតាមកាសែត People’s Daily Health, ខេត្ត Gansu ភាគពាយព្យ និងខេត្តផលិតធ្យូងថ្ម Shanxi ឥឡូវនេះផ្តល់ពេល ៣០ថ្ងៃ ខណៈទីក្រុង សៀងហៃ ផ្តល់១០ថ្ងៃនិងស៊ីឈួន ត្រឹម៣ថ្ងៃប៉ុណ្ណោះ។

លោក Yang Haiyang ព្រឹទ្ធបុរសនៃវិទ្យាស្ថានស្រាវជ្រាវអភិវឌ្ឍសង្គមនៃសាកលវិទ្យាល័យហិរញ្ញវត្ថុ និងសេដ្ឋកិច្ច Southwestern បាននិយាយថា “ការពង្រីករយៈពេលឈប់សម្រាករៀបអាពាហ៍ពិពាហ៍ គឺជាមធ្យោបាយដ៏មានប្រសិទ្ធភាពមួយក្នុងការបង្កើនអត្រាមានកូន”។
លោកនិយាយថា “ការពង្រីករយៈពេលឈប់សម្រាកអាពាហ៍ពិពាហ៍ គឺជារឿងសំខាន់នៅក្នុងខេត្ត-ក្រុងមួយចំនួនដែលមានការអភិវឌ្ឍន៍សេដ្ឋកិច្ចយឺត”។

យោងតាមទិន្នន័យផ្លូវការ ចំនួនប្រជាជនរបស់ប្រទេសចិនបានធ្លាក់ចុះកាលពីឆ្នាំមុនជាលើកដំបូងក្នុងរយៈពេល៦ទសវត្សរ៍។ កាលពីឆ្នាំមុន ប្រទេសចិនបានកត់ត្រាអត្រាកំណើតទាបបំផុតមិនធ្លាប់មានសោះ គឺ៦.៧៧កំណើតក្នុង ១ពាន់នាក់។
ការធ្លាក់ចុះនេះគឺជាលទ្ធផលនៃគោលនយោបាយ “កូនមួយ” ដែលដាក់ចេញនៅចន្លោះឆ្នាំ១៩៨០ដល់ឆ្នាំ២០១៥ និងការកើនឡើងនៃថ្លៃចំណាយលើការអប់រំ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ CNA
ចុចអាន៖ ៣ខែទៀត ឥណ្ឌា នឹងវ៉ាដាច់ ចិន ក្លាយជា ប្រទេសមានប្រជាជនច្រើនជាងគេបំផុត លើពិភពលោក

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១២ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ