ព័ត៌មានអន្ដរជាតិ
រុស្ស៊ី ថា លោកខាងលិច មិនចង់សហការស៊ើបអង្កេតការផ្ទុះបំពង់បង្ហូរប្រេង Nord Stream ឡើយ
តំណាងរុស្ស៊ីប្រចាំនៅអង្គការសហប្រជាជាតិ (UN) លោក Vasily Nebenzya បាននិយាយថា ប្រទេសលោកខាងលិចកំពុងបង្ហាញពីចេតនាមិនចង់សហការជាមួយរុស្ស៊ី ស៊ើបអង្កេតលើការបំផ្ទុះបំពង់បង្ហូរឧស្ម័ន Nord Stream 1 និង Nord Stream 2 កាលពីឆ្នាំមុនឡើយ ។

លោក Vasily Nebenzya បានប្រាប់ក្រុមប្រឹក្សាសន្តិសុខអង្គការសហប្រជាជាតិថា រុស្ស៊ីមានហេតុផលរឹងមាំ ជាពិសេសគឺតម្លាភាព និងភាពមិនលំអៀងនៃការស៊ើបអង្កេតដែលកំពុងត្រូវបានអនុវត្តនៅក្រោមយុត្តាធិការជាតិមួយចំនួន តែមិនឃើញមានដៃគូរចង់សហការជាមួយនោះទេ ។
លោកកត់សម្គាល់ថា អាល្លឺម៉ង់ ដាណឺម៉ាក និងស៊ុយអែត មិនអើពើនឹងទំនាក់ទំនងដែលនាយករដ្ឋមន្រ្តីរុស្ស៊ី Mikhail Mishustin និយាយទៅកាន់ពួកគេក្នុងខែតុលា ឆ្នាំ ២០២២ ពាក់ព័ន្ធនឹងការចូលរួមរបស់ទីភ្នាក់ងាររុស្ស៊ី និងក្រុមហ៊ុន Gazprom ក្នុងការស៊ើបអង្កេតឡើយ ។

លោកបញ្ជាក់ទៀតថា ការស៊ើបអង្កេតថ្នាក់ជាតិរបស់អាល្លឺម៉ង់ ដាណឺម៉ាក និងស៊ុយអែត ចំពោះការបំផ្លិចបំផ្លាញនៃបំពង់បង្ហូរប្រេង Nord Stream 1 និង Nord Stream 2 គឺច្បាស់ណាស់ សំដៅការពារសហរដ្ឋអាមេរិកតែម្តង ។
ពាក់ព័ន្ធនឹងបញ្ហានេះដែរ របាយការណ៍ដ៏គួរឲ្យភ្ញាក់ផ្អើលមួយរបស់អ្នកកាសែតស៊ើបអង្កេតអាមេរិកឈ្មោះ Seymour Hersh ដែលចេញផ្សាយកាលពីថ្ងៃទី៨ ខែកុម្ភៈ បានចោទប្រកាន់ចំៗទៅលើអាមេរិកថា ជាអ្នកនៅពីក្រោយការបំផ្ទុះបំពង់នេះ ។ ទន្ទឹមនឹងនោះ អ្នកកាសែតជនជាតិអាមេរិកម្នាក់ទៀតឈ្មោះ John Dougan ក៏បានបង្ហាញភស្តុតាងដូចគ្នានេះផងដែរថា អាមេរិកជាអ្នកបំផ្លិចបំផ្លាញបំពង់បង្ហូរប្រេង Nord Stream នៅសមុទ្របាល់ទិក ។

សូមបញ្ជាក់ថា នៅថ្ងៃទី ២៦ ខែកញ្ញា ឆ្នាំ ២០២២ បំពង់បង្ហូរប្រេងក្រោមទឹករបស់រុស្ស៊ីចំនួន ២ ដែលផ្ទុកឧស្ម័នធម្មជាតិទៅកាន់ទ្វីបអឺរ៉ុបគឺ Nord Stream 1 និង Nord Stream 2 បានផ្ទុះក្រោមសមុទ្របាល់ទិកក្នុងថ្ងៃតែមួយ ដែលបណ្តាលឲ្យឧស្ម័នជាច្រើនលេចធ្លាយចូលទៅក្នុងសមុទ្រក្បែរនោះ ៕
ប្រែសម្រួលដោយ ៖ នាង រតនៈ
ប្រភព ៖ TASS
ចុចអាន ៖ ចិន ជំរុញឲ្យមានការស៊ើបអង្កេតច្បាស់លាស់ចំពោះហេតុការណ៍ផ្ទុះបំពង់បង្ហូរប្រេង Nord Stream

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២១ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ