ព័ត៌មានអន្ដរជាតិ

២ប្រទេសនៅអាស៊ីអាគ្នេយ៍ អនុបវាទសេចក្តីសម្រេចរបស់ UN លើការថ្កោលទោសរុស្ស៊ី

បានផុស

២ years មុន

នៅ

ថ្ងៃសុក្រ ២៤ កុម្ភៈ ២០២៣

ដោយ

ប្រទេសអាស៊ីអាគ្នេយ៍ចំនួន៩ បានបោះឆ្នោតគាំទ្រសេចក្តីសម្រេចចុងក្រោយ របស់មហាសន្និបាតអង្គការសហប្រជាជាតិ (UNGA) ដែលថ្កោលទោសការលុកលុយរបស់រុស្ស៊ី លើអ៊ុយក្រែន និងអំពាវនាវឲ្យប្រទេសនេះដកកងកម្លាំងរបស់ខ្លួនចេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះការបោះឆ្នោត ដែលធ្វើឡើងមុនខួបមួយឆ្នាំនៃការវាយលុករបស់រុស្ស៊ីលើអ៊ុយក្រែន ត្រូវបានគេមើលឃើញរដ្ឋជាសមាជិកចំនួន១៤១ បានគាំទ្រសេចក្តីសម្រេចដែលអំពាវនាវឲ្យមានសន្តិភាពយុត្តិធម៌ និងយូរអង្វែង។

ក្នុងនោះប្រទេសចំនួន៣២បានអនុបវាទ ខណៈប្រទេសចំនួន៧គឺរុស្ស៊ី បេឡារុស កូរ៉េខាងជើង ស៊ីរី ម៉ាលី អេរីទ្រា និងនីការ៉ាហ្គា បានបោះឆ្នោតប្រឆាំង។

ប្រទេសចំនួន៩ក្នុងចំណោមប្រទេសទាំង១១របស់តំបន់អាស៊ីអាគ្នេយ៍ បានបោះឆ្នោតគាំទ្រសេចក្តីសម្រេច ហើយ២ប្រទេសដែលអនុបវាទគឺ វៀតណាម និងឡាវ។

ទោះបីជាយ៉ាងណាក៏ដោយ ទង្វើនេះហាក់ដូចជាមិនសូវបង្កឲ្យមានការភ្ញាក់ផ្អើលប៉ុន្មានទេ ដោយសារតែប្រទេសទាំងពីរជារដ្ឋកុម្មុយនិស្តឯកបក្ស ដែលមានទំនាក់ទំនងជាយូរមកហើយជាមួយរុស្ស៊ី និងសហភាពសូវៀត៕

ប្រែសម្រួល៖ Vann Vann

ប្រភព៖ Diplomat

ចុចអាន៖ UN បោះឆ្នោតថ្កោលទោស រុស្ស៊ី និងតម្រូវឲ្យដកទ័ពចេញពី អ៊ុយក្រែន