បាញ់សម្លាប់អ្នកសារព័ត៌មាននៅរដ្ឋ Florida ខណៈកំពុងរាយការណ៍ពីករណី​ឃាតកម្ម

ក្មេងស្រីអាយុ ៩ ឆ្នាំ និងអ្នកសារព័ត៌មានម្នាក់នៅរដ្ឋ Florida ឈ្មោះ Dylan Lyons វ័យ ២៤ ឆ្នាំត្រូវបានបាញ់សម្លាប់ ខណៈកំពុងរាយការណ៍អំពីឃាតកម្មមួយ ដែលបានកើតឡើងនៅប៉ុន្មានម៉ោង មុនការវាយប្រហារលើរូបលោក ។

លោក John Mina មេប៉ូលិសតំបន់ Orange County បាននិយាយថា ជនសង្ស័យអាយុ ១៩ ឆ្នាំត្រូវបានចាប់ខ្លួនភ្លាមៗ បន្ទាប់ពីហេតុការណ៍ដ៏សាហាវនោះ ហើយក្រោយមកត្រូវបានចោទប្រកាន់ជាផ្លូវការពីបទមនុស្សឃាត ។

លោកមេប៉ូលិសបញ្ជាក់ទៀតថា “យើងពិតជាមិនយល់ទេថា ជនសង្ស័យនោះគិតអ្វីឲ្យប្រាកដ ប៉ុន្តែយើងសង្ឃឹម​ថា ​នៅ​ពេល​ណា​មួយ ខ្មាន់កាំភ្លើងរូបនេះ ​នឹង​និយាយ​ជាមួយ​យើង​អំពី​អ្វី​ដែល​ជំរុញឲ្យ​ចិត្ត​គាត់ធ្វើបែបនេះ” ។

គួរបញ្ជាក់ថា ម្តាយ​របស់​កុមារី និង​ក្រុមការងារ​របស់​អ្នកសារព័ត៌មានដែលស្លាប់បាត់បង់ជីវិត ​ក៏​បាន​រង​របួសផង​ដែរ ហើយបច្ចុប្បន្នពួកគេកំពុង​ស្ថិត​ក្នុង​ស្ថានភាព​ធ្ងន់ធ្ងរ​នៅ​ក្នុង​មន្ទីរពេទ្យ ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ ខួបគម្រប់ ១ ឆ្នាំ អ៊ុយក្រែន បញ្ចេញក្រដាសប្រាក់ថ្មី បង្ហាញពីឧក្រិដ្ឋកម្ម​សង្គ្រាមរបស់ រុស្ស៊ី