ស្ថានទូតអ៊ុយក្រែនប្រចាំប្រទេសថៃប្រារព្ធខួប១ឆ្នាំនៃសង្គ្រាមរវាងរុស្ស៊ី-អ៊ុយក្រែន

ប្រភពព័ត៌មានបានឲ្យដឹងថា ស្ថានទូតអ៊ុយក្រែនប្រចាំនៅប្រទេសថៃបានរៀបចំពិធីគម្រប់ខួប ១ឆ្នាំនៃសង្គ្រាមរុស្ស៊ីឈ្លានពានអ៊ុយក្រែន ដែលមានការចូលរួមពីពលរដ្ឋអ៊ុយក្រែនដែលរស់នៅក្នុងប្រទេសថៃផងដែរ ដោយពួកគេបានរៀបចំពិធីនៅមុខស្ថានទូតអ៊ុយក្រែនមុនពេលហែក្បួនទៅកាន់ទីលានលំភីនី (Lumpini) នៅពេលព្រឹក។

ក្រៅពីនេះក៏នៅមានសកម្មភាពដទៃទៀតនៅពេលរសៀលផងដែរ ដោយគណៈប្រតិភូសហភាពអឺរ៉ុបប្រចាំប្រទេសថៃ ស្ថានទូតស៊ុយអែតប្រចាំប្រទេសថៃ តាងនាមជាប្រធានក្រុមប្រឹក្សាសហភាពអឺរ៉ុប រួមគ្នាជាមួយស្ថានទូតអ៊ុយក្រែនប្រចាំប្រទេសថៃ បានរៀបចំព្រឹត្តិការណ៍ (12 Moments for Ukraine) ដើម្បីបង្ហាញពីសាមគ្គីភាពជាធ្លុងមួយជាមួយអ៊ុយក្រែននៅថ្ងៃទី២៤ ខែកុម្ភៈនេះ ដែលជាខួប ១ឆ្នាំនៃភាពរងទុក្ខវេទនារបស់មនុស្សលោក បន្ទាប់ពីការលុកលុយឈ្លានពានរបស់រុស្ស៊ីលើអ៊ុយក្រែន ក្នុងគោលបំណងដើម្បីបង្ហាញពីផលប៉ះពាល់មនុស្សធម៌ធ្ងន់ធ្ងរ៕

ប្រែសម្រួល៖ គង់ សំអាន

ប្រភព៖ BBC Thai

ចុចអាន៖ បាញ់សម្លាប់អ្នកសារព័ត៌មាននៅរដ្ឋ Florida ខណៈកំពុងរាយការណ៍ពីករណី​ឃាតកម្ម