ព័ត៌មានអន្ដរជាតិ

លោក Biden បដិសេធមិនបញ្ជូនយន្តហោះចម្បាំង F-16 ឲ្យ អ៊ុយក្រែន ឡើយ

បានផុស

២ years មុន

នៅ

ថ្ងៃអាទិត្យ ២៦ កុម្ភៈ ២០២៣

ដោយ

ប្រធានាធិបតីអាមេរិកលោក Joe Biden បាននិយាយថា សម្រាប់ពេលនេះលោកសូមបដិសេធការបញ្ជូនយន្តហោះចម្បាំង F-16 ទៅឲ្យអ៊ុយក្រែន ដោយសារតែបច្ចុប្បន្នរដ្ឋាភិបាលទីក្រុងកៀវមិនត្រូវការយន្តហោះនេះនោះទេ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Biden បាននិយាយក្នុងការឆ្លើយតបទៅនឹងសំណួរ ក្នុងបទសម្ភាសមួយជាមួយទូរទស្សន៍ ABC ថា “នៅពេលនេះ ខ្ញុំសូមបដិសេធមិនបញ្ជូនយន្តហោះចម្បាំង F-16 ទៅឲ្យអ៊ុយក្រែននោះទេ ព្រោះលោកប្រធានាធិបតី Volodymyr Zelensky ត្រូវការរថក្រោះ កាំភ្លើងធំ និងខែលការពារដែនអាកាស រួមទាំងប្រព័ន្ធបាញ់រ៉ុកកែត HIMARS ផងដែរ” ។

ទន្ទឹមនោះ នៅពេលត្រូវបានសួរថាតើនេះមានន័យថា អាមេរិកបានច្រានចោលការបញ្ជូនយន្តហោះចម្បាំង F-16 ទៅកាន់ទីក្រុងកៀវនាពេលអនាគតដែរឬទេ លោក Biden បាននិយាយថា លោកមិនអាចទស្សន៍ទាយពីតម្រូវការការពារជាតិរបស់អ៊ុយក្រែនក្នុងរយៈពេលវែងនោះទេ ។

គួរបញ្ជាក់ថា អ៊ុយក្រែនក៏ទើបតែទទួលបានរថក្រោះប្រយុទ្ធខ្លារខិន Leopard 2 កញ្ចប់ដំបូងចំនួន ៤ គ្រឿងផងដែរពីសំណាក់ប្រទេសប៉ូឡូញ ពោលនៅចំថ្ងៃខួបគម្រប់ ១ ឆ្នាំនៃប្រតិបតិការសឹករបស់រុស្ស៊ីលើទីក្រុងកៀវ ៕

ប្រែសម្រួលដោយ ៖ ជីវ័ន្ត

ប្រភព ៖ TASS

ចុចអាន ៖ ទីបំផុត រថក្រោះខ្លារខិន Leopard 2 ទៅដល់ដៃ អ៊ុយក្រែន ហើយ