ព័ត៌មានអន្ដរជាតិ
សង្គ្រាមកាន់តែអូសបន្លាយពេល លោក Biden រឹតតែឈឺក្បាលរឿងផ្ដល់ជំនួយឲ្យ អ៊ុយក្រែន
រយៈពេល ១ ឆ្នាំ បន្ទាប់ពីរុស្ស៊ីបានចាប់ផ្តើមសង្រ្គាមប្រឆាំងនឹងអ៊ុយក្រែន ប្រធានាធិបតីអាមេរិកលោក Joe Biden ប្រឈមមុខនឹងកិច្ចការដ៏លំបាកមួយ គឺការរក្សាជំនួយដ៏មានសារៈសំខាន់សម្រាប់វិស័យការពារជាតិរបស់អ៊ុយក្រែន ។

រដ្ឋបាលលោក Biden បានផ្គត់ផ្គង់ជំនួយយោធាជិត ៣០ ពាន់លានដុល្លារដល់អ៊ុយក្រែន ចាប់តាំងពីវិមានក្រឹមឡាំងបានចាប់ផ្តើមសង្រ្គាមលើទីក្រុងកៀវនៅថ្ងៃទី ២៤ ខែកុម្ភៈ ឆ្នាំ ២០២២ ។ ជំនួយនេះគឺមានគោលបំណងជួយអ៊ុយក្រែនការពារព្រំដែនរបស់ខ្លួនពីការវាយលុកដែលកំពុងបន្តដោយរុស្ស៊ី ដែលបានជម្លៀសប្រជាជនអ៊ុយក្រែនរាប់លាននាក់ចេញពីប្រទេស និងថែមទាំងបានសម្លាប់មនុស្សរាប់ម៉ឺននាក់ផងដែរ ។
ទន្ទឹមនោះ ជំនួយមនុស្សធម៌បន្ថែមចំនួន ១.៩ ពាន់លានដុល្លារត្រូវបានផ្តល់ជូនសម្រាប់គាំទ្រជនភៀសខ្លួន និងសហគមន៍ដែលងាយរងគ្រោះ ហើយ ១៣ ពាន់លានដុល្លារបានផ្តល់ទៅមូលនិធិរបស់រដ្ឋាភិបាលអ៊ុយក្រែន តាមរយៈធនាគារពិភពលោក ។

ស្របពេលជាមួយគ្នានេះ ក្នុងអំឡុងពេលទស្សនកិច្ចដ៏គួរឲ្យភ្ញាក់ផ្អើលមួយទៅកាន់រដ្ឋធានីអ៊ុយក្រែនកាលពីថ្ងៃចន្ទសប្ដាហ៍មុន, លោក Biden បានប្រាប់ប្រធានាធិបតីអ៊ុយក្រែនលោក Volodymyr Zelensky ថា “រដ្ឋាភិបាលអាមេរិក និងពិភពលោក នឹងឈរនៅជាមួយអ្នក ឈរនៅជាមួយប្រជាជនអ៊ុយក្រែន” ។
លោក Biden បាននិយាយនៅក្នុងទីក្រុងកៀវថា “នេះគឺជាសង្រ្គាមដែនដីដ៏ធំបំផុតនៅអឺរ៉ុបក្នុងរយៈពេលប៉ុន្មានសតវត្សន៍មកនេះ ប៉ុន្តែយើងមានទំនុកចិត្តថា អ៊ុយក្រែននឹងឈ្នះ ។ ប្រជាជនអាមេរិកដឹងថា វាមានសារៈសំខាន់ ព្រោះថា ការលុកលុយដែលមិនបានត្រួតពិនិត្យ គឺជាការគំរាមកំហែងដល់យើងទាំងអស់គ្នា” ។

គួរបញ្ជាក់ថា កាលពីថ្ងៃទី២៤ ខែកុម្ភៈ ឆ្នាំ២០២២ លោក វ្ល៉ាឌីមៀរ ពូទីន បានចាប់ផ្តើមប្រតិបត្តិការសឹកមួយនៅអ៊ុយក្រែន ដើម្បីឆ្លើយតបនឹងសំណើសុំជំនួយពីប្រមុខនៃសាធារណរដ្ឋ Donbass ខណៈរហូតមកដល់ពេលនេះ វាអូសបន្លាយពេល ១ ឆ្នាំហើយ ។
បន្ទាប់មក លោកខាងលិចបានដាក់ទណ្ឌកម្មយ៉ាងខ្លាំងក្លាប្រឆាំងរុស្ស៊ី និងបង្កើនការផ្គត់ផ្គង់សព្វាវុធដល់រដ្ឋាភិបាលទីក្រុងកៀវ ដែលមានតម្លៃរាប់សិបពាន់លានដុល្លារ ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ ទីបំផុត រថក្រោះខ្លារខិន Leopard 2 ទៅដល់ដៃ អ៊ុយក្រែន ហើយ

-
ព័ត៌មានអន្ដរជាតិ១៣ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២៣ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?