ព័ត៌មានអន្ដរជាតិ
អាមេរិក ទទួលស្គាល់ថា ខ្លួនពិបាកតាមដានសព្វាវុធ ដែលបញ្ជូនទៅអ៊ុយក្រែន (មានវីដេអូ)
របាយការណ៍សម្ងាត់មួយមួយកាលពីឆ្នាំមុនបានរកឃើញថា មន្ទីរបញ្ចកោណ មិនអាចទទួលបានព័ត៌មានលើសព្វាវុធតម្លៃរាប់សិបពាន់លានដុល្លារ ដែលបញ្ជូនទៅអ៊ុយក្រែនបានទេ។ ព័ត៌មានលម្អិតនៃរបាយការណ៍នេះ ត្រូវបានបង្ហាញដោយសមាជិកសភាមកពីគណបក្សសាធារណរដ្ឋ ក្នុងអំឡុងពេលសវនាការកាលពីថ្ងៃអង្គារទី២៨ខែកុម្ភៈ។
ថ្លែងក្នុងសវនាការនៃគណៈកម្មាធិការសេវាប្រដាប់អាវុធរបស់សភា នៅទីក្រុងវ៉ាស៊ីនតោនកាលពីថ្ងៃអង្គារ អគ្គអធិការកិច្ចមន្ទីរបញ្ចកោណលោក Robert Storch បានកត់សម្គាល់ថា សហរដ្ឋអាមេរិកបានបែងចែកជំនួយក្នុងទំហំទឹកប្រាក់ ១១៣ពាន់លានដុល្លារដល់អ៊ុយក្រែន ចាប់តាំងពីជម្លោះនៅទីនោះចាប់ផ្តើមកាលពីខែកុម្ភៈ ដោយប្រហែល ៦០% នៃជំនួយនោះ ត្រូវបានផ្តល់ទៅឲ្យយោធារបស់ទីក្រុងកៀវ។
លោក Storch ត្រូវបានគេប្រគល់ភារកិច្ចដើម្បីធានាថា ជំនួយនេះត្រូវបានគណនានិងមិនបាត់បង់ទៅដោយខ្ជះខ្ជាយ ក្លែងបន្លំ ឬរំលោភបំពាន ហើយលោកបានបដិសេធនិយាយថាតើក្រុមរបស់លោកបានជួបប្រទះអំពើពុករលួយឬក៏អត់នៅក្នុងប្រទេសអ៊ុយក្រែន។
ទោះបីជាយ៉ាងណាក៏ដោយ តំណាងរាស្រ្តគណបក្សសាធារណរដ្ឋ លោក Mike Johnson បានបញ្ជាក់ថា របាយការណ៍ពីការិយាល័យរបស់ Storch កាលពីខែតុលាឆ្នាំមុន បានរកឃើញថា មន្ទីរបញ្ចកោណមិនអាចអនុវត្តការត្រួតពិនិត្យការបញ្ជូនអាវុធទៅឲ្យអ៊ុយក្រែនស្របតាមគោលនយោបាយរបស់ខ្លួនបានទេ។
ការត្រួតពិនិត្យការចែកចាយអាវុធបែបនេះ ត្រូវបានគ្រប់គ្រងដោយច្បាប់ត្រួតពិនិត្យការនាំចេញសព្វាវុធឆ្នាំ១៩៩៦។
អ្នកនាំពាក្យក្រុមប្រឹក្សាសន្តិសុខជាតិ លោក John Kirby បានអះអាងកាលពីខែមករាថា រដ្ឋបាលលោក Biden មិនបានឃើញសញ្ញាណាមួយដែលថាជំនួយយោធា ឬជំនួយសេដ្ឋកិច្ច បានធ្លាក់ចូលទៅក្នុងអំពើពុករលួយគ្រប់ប្រភេទនៅក្នុងប្រទេសអ៊ុយក្រែនឡើយ។ យ៉ាងណាក្តី ឯកសារចុងក្រោយនេះ ហាក់ដូចជាចង់បង្ហាញថា អាវុធជាញឹកញាប់បានបាត់នៅពេលចែកចាយ។
របាយការណ៍ឆ្នាំមុន ដែលគាំទ្រដោយអង្គការលើកលែងទោសអន្តរជាតិ បានអះអាងថា អាវុធរបស់លោកខាងលិចតិចជាង ៣០% ប៉ុណ្ណោះ ដែលបានទៅដល់សមរភូមិជួរមុខអ៊ុយក្រែន។ មន្ត្រីអាមេរិក និងកាណាដាបានសារភាពនៅពេលនោះថា ពួកគេមិនដឹងថាអាវុធទាំងនោះភាគច្រើនធ្លាយទៅដល់ទីណានោះទេ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ ទីក្រុងមូស្គូចោទអាមេរិក ថា កំពុងរៀបចំប្រើសារធាតុគីមីពុល នៅអ៊ុយក្រែន ដើម្បីទម្លាក់កំហុសដាក់រុស្ស៊ី
-
ចរាចរណ៍១ សប្តាហ៍ ago
បុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
សន្តិសុខសង្គម៧ ថ្ងៃ ago
ពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
ព័ត៌មានអន្ដរជាតិ២ ថ្ងៃ ago
អាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ចរាចរណ៍២ ថ្ងៃ ago
ពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៤ ថ្ងៃ ago
អ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានជាតិ២ ថ្ងៃ ago
របាយការណ៍បឋម៖ រថយន្តដឹកគ្រឿងចក្រលើសទម្ងន់បណ្តាលឱ្យបាក់ស្ពានដែក
-
សន្តិសុខសង្គម២២ ម៉ោង ago
អគ្គិភ័យឆេះផ្ទះស្តុកគ្រឿងបន្លាស់រថយន្តបណ្ដាលឲ្យខូចខាតសម្ភារៈមួយចំនួន
-
ព័ត៌មានអន្ដរជាតិ៤ ថ្ងៃ ago
នេះជាខ្លឹមសារនៃសំបុត្រ ដែលលោក បៃដិន ទុកឲ្យ ត្រាំ ពេលផុតតំណែង