អាមេរិក ​ជំរុញ​ឲ្យ​រុស្ស៊ី​ វិលត្រលប់​មករកសន្ធិសញ្ញា New START វិញ​

សហរដ្ឋអាមេរិក កំពុងជំរុញឲ្យរុស្ស៊ី វិលត្រលប់មករកសន្ធិសញ្ញាកាត់បន្ថយអាវុធយុទ្ធសាស្ត្រ New START វិញ។ នេះបើតាមការបញ្ជាក់ពីអ្នកនាំពាក្យក្រសួងការបរទេសសហរដ្ឋអាមេរិក លោក Ned Price នៅថ្ងៃព្រហស្បតិ៍ទី០២ខែមីនា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកនិយាយថា “ឆន្ទៈរបស់រុស្ស៊ី គឺជំរុញឲ្យមានអស្ថិរភាពនិងប្រើវោហារសាស្ត្រនុយក្លេអ៊ែរគ្មានទំនួលខុសត្រូវ ដែលបង្កគ្រោះថ្នាក់ដល់ប្រទេសទាំងអស់នៅលើភពផែនដីនេះ។ ទន្ទឹមនឹងនោះ ការផ្អាក សន្ធិសញ្ញា New START របស់រុស្សី នឹងមិនបញ្ឈប់សហរដ្ឋអាមេរិកពីការបន្តគាំទ្រអ៊ុយក្រែនឡើយ។ សហរដ្ឋអាមេរិក កំពុងធ្វើការលើការរក្សាកិច្ចព្រមព្រៀងនេះ និងជំរុញឲ្យរុស្ស៊ីប្រកាន់ខ្ជាប់នូវឯកសារនេះ”។

គួរបញ្ជាក់ជាថ្មី កាលពីថ្ងៃទី២១ខែកុម្ភៈ ប្រធានាធិបតីរុស្ស៊ី លោក វ៉្លាឌីមៀរ ពូទីន បាននិយាយថា ប្រទេសរុស្ស៊ី បានផ្អាកការចូលរួម ក្នុងសន្ធិសញ្ញា New START មិនមែនដកខ្លួនចេញនោះទេ៕

ប្រែសម្រួល៖ Vann Vann

ប្រភព៖ TASS

ចុចអាន៖ អាមេរិក ចង់គិតលុយពីអ៊ុយក្រែន សម្រាប់សព្វាវុធដែលបញ្ជូនទៅ