ព័ត៌មានអន្ដរជាតិ
លោក Trump ប្តេជ្ញានឹងបញ្ចប់ជម្លោះអ៊ុយក្រែនក្នុងរយៈពេល ២៤ ម៉ោង
អតីតប្រធានាធិបតីអាមេរិកលោក លោក Donald Trump ប្តេជ្ញានឹងបញ្ចប់ជម្លោះនៅអ៊ុយក្រែនក្នុងរយៈពេល ២៤ ខណៈដែលលោក Joe Biden កំពុងដឹកនាំសហរដ្ឋអាមេរិកឲ្យធ្លាក់ចូលទៅក្នុងភាពវង្វេងវង្វាន់។
លោក Trump បាននិយាយនៅក្នុងសុន្ទរកថារយៈពេលជិតពីរម៉ោង ក្នុងការជួបជុំអភិរក្សប្រចាំឆ្នាំនៅឯ Gaylord National Resort ដោយអះអាងថា “ខ្ញុំជាប្រធានាធិបតីតែមួយគត់ក្នុងរយៈពេលជាច្រើនទសវត្សរ៍ ដែលមិនមានសង្គ្រាម បានរីកចម្រើន គ្មានមនុស្សស្លាប់ គ្មានទីក្រុងដែលត្រូវបានបំផ្លាញ ដែលមិនអាចបង្កើតឡើងវិញបានឡើយ”។
កាលពីខែមុន លោក Trump បានសន្យាថានឹងទូរស័ព្ទទៅទីក្រុងមូស្គូ និងក្រុងគៀវភ្លាមៗ ប្រសិនបើជាប់ឆ្នោតឡើងវិញ ដោយទទូចថាលោកដឹងច្បាស់ពីអ្វីដែលត្រូវប្រាប់ប្រធានាធិបតីរុស្ស៊ីលោក Vladimir Putin និងមេដឹកនាំអ៊ុយក្រែនលោក Vladimir Zelensky ឲ្យបញ្ឈប់ជម្លោះ។
លោកបានបញ្ជាក់ជាថ្មីម្ដងទៀតថា “ខ្ញុំដឹងថាត្រូវនិយាយយ៉ាងណា មុនពេលខ្ញុំមកដល់ការិយាល័យរាងពងក្រពើ ខ្ញុំនឹងធ្វើឲ្យសង្រ្គាមដ៏មហន្តរាយរវាងរុស្ស៊ី និងអ៊ុយក្រែនត្រូវបានបញ្ចប់ ខ្ញុំនឹងដោះស្រាយបញ្ហា ហើយខ្ញុំនឹងដោះស្រាយឲ្យបានឆាប់រហ័ស ហើយវានឹងចំណាយពេលមិនយូរជាងមួយថ្ងៃ”។ ក្នុងពេលជាមួយគ្នានោះ លោក Trump បានស្តីបន្ទោសលោក Biden ចំពោះការខ្ជះខ្ជាយប្រាក់រាប់ពាន់លានដុល្លារអាមេរិកដែលជាប់ពន្ធជាជាងបង្ខំសម្ព័ន្ធមិត្តអឺរ៉ុបរបស់ទីក្រុងវ៉ាស៊ីនតោនឲ្យទៅធនាគារ Kiev ។
លោក Trump បានព្រមានជនជាតិអាមេរិកថា ពួកគេកំពុងប្រឈមមុខនឹងពេលវេលាដ៏គ្រោះថ្នាក់បំផុតនៅក្នុងប្រវត្តិសាស្រ្តរបស់ប្រទេស ហើយលោក Joe Biden កំពុងនាំឲ្យភ្លេចខ្លួន ដោយអះអាងថាពិភពលោកនឹងធ្លាក់ចូលទៅក្នុងសង្គ្រាមលោកលើកទី ៣ ក្នុងពេលឆាប់ៗនេះ ប្រសិនបើអ្វីមួយមិនកើតឡើងលឿនទេ។ ហើយលោកនិយាយទៀតថា លោកគឺជាបេក្ខជនតែមួយគត់ដែលអាចការពារសង្រ្គាមលោកលើកទីបី។
ក្នុងរយៈពេលប៉ុន្មានខែថ្មីៗនេះ លោក Trump បានអំពាវនាវម្តងហើយម្តងទៀតឲ្យសហរដ្ឋអាមេរិកដឹកនាំផ្លូវក្នុងការចរចាដំណោះស្រាយសន្តិភាពនៅអ៊ុយក្រែន ស្របពេលដែលបានផ្ទុះឡើងនូវវិធីដែលលោក Biden បានដោះស្រាយជម្លោះ។ លោកក៏បានថ្កោលទោសការសន្យារបស់អាមេរិកក្នុងការបញ្ជូនរថក្រោះ M1 Abrams ទៅកាន់អ៊ុយក្រែនដោយនិយាយថា ទង្វើនេះអាចនាំមកនូវសង្គ្រាមនុយក្លេអ៊ែរ ក្នុងពេលដែលទីក្រុងម៉ូស្គូនៅតែបន្តទទូចថា ការបញ្ជូនអាវុធធ្វើឲ្យលោកខាងលិចក្លាយជាភាគីផ្ទាល់ចំពោះអរិភាព៕
ប្រែសម្រួល៖ សាង ស្រីល័ក្ខ
ចុចអាន៖អាមេរិក ប្រកាសធ្វើតេស្តមីស៊ីលល្បឿនលឿនជាងសំឡេង ២លើកក្នុងឆ្នាំនេះ ដើម្បីប្រជែងចិន និងរុស្ស៊ី
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៥ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ