ព័ត៌មានអន្ដរជាតិ

មនុស្សជាង ៥៣០០០នាក់ រងគ្រោះដោយទឹកជំនន់ នៅ ម៉ាឡេស៊ី

បានផុស

២ years មុន

នៅ

ថ្ងៃចន្ទ ៦ មីនា ២០២៣

ដោយ

មិនមានភាពធូរស្រាលទេក្នុងគ្រោះទឹកជំនន់ នៅរដ្ឋ Johor, Pahang និង Melaka ខណៈចំនួនមនុស្សជម្លៀសខ្លួន បានបន្តកើនឡើងដល់ជាង៥៣០០០នាក់។

រដ្ឋ Johor កំពុងរងគ្រោះដោយសារទឹកជំនន់យ៉ាងធ្ងន់ធ្ងរ ខណៈភ្លៀងធ្លាក់ជាបន្តបន្ទាប់ ចាប់តាំងពីដើមសប្តាហ៍មុនមក បានបណ្តាលឲ្យមនុស្ស ៤៩៥០០នាក់មកពី ១៤២០០គ្រួសារកំពុងស្វែងរកទីជម្រក នៅមជ្ឈមណ្ឌលសង្គ្រោះបណ្តោះអាសន្នចំនួន២៧០គិតត្រឹមព្រឹកថ្ងៃចន្ទទី០៥ខែមីនា។

កម្ពស់ទឹកទន្លេចំនួន១៤ក្នុងស្រុកចំនួន៧ បានឡើងផុតសញ្ញាគ្រោះថ្នាក់ ខណៈផ្លូវចំនួន៤៤ ក្នុងសង្កាត់ចំនួន៨ ត្រូវបិទចរាចរណ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលជាមួយគ្នានោះដែរ អាជ្ញាធរ និងអ្នកស្ម័គ្រចិត្ត កំពុងធ្វើការទាំងថ្ងៃទាំងយប់ ដើម្បីជួយជនរងគ្រោះដោយទឹកជំនន់ រួមទាំងស្តេចស៊ុលតង់ Johor ផងដែរ ដែលបានបញ្ជូនទូកកាណូតស៊េរីទំនើបចំនួន៣គ្រឿង សម្រាប់ប្រើប្រាស់ដឹកជំនួយស្បៀងអាហារ៕

ប្រែសម្រួល៖ Vann Vann

ប្រភព៖ Straits Times

ចុចអាន៖ ភាគខាងជើង វៀតណាម ព្រមានពីព្យុះលាយឡំផ្គររន្ទះ ទឹកជំនន់ និងបាក់ដី ចាប់ពីយប់ថ្ងៃនេះ