រន្ធត់! ក្មេងស្រីម្នាក់ ត្រូវត្រីឆ្លាមខាំដាច់ដៃ នៅសមុទ្រប្រេស៊ីល

ក្មេងស្រីអាយុ១៥ឆ្នាំម្នាក់ ត្រូវដាច់ដៃ ដោយសារត្រីឆ្លាមវាយប្រហារនៅឯឆ្នេរ Piedade ក្នុងប្រទេសប្រេស៊ីល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីដេអូដ៏រន្ធត់ បានបង្ហាញអ្នកឈរមើលទាញក្មេងស្រីឈ្មោះ Kaylane Timóteo Freitas ឡើងមកឆ្នេរ រួចយកក្រណាត់រុំដៃរបស់នាង ដែលពោរពេញទៅដោយឈាម។

ក្រោយមក នាងត្រូវបាននាំទៅមន្ទីរពេទ្យនៅក្បែរនោះ ដើម្បីកាត់ដៃចោល ហើយស្ថានភាពរបស់នាង ត្រូវបានគេបញ្ជាក់ថា ស្ថិតក្នុងស្ថានភាពនឹងនរ។

ការវាយប្រហារនេះកើតឡើងត្រឹមតែមួយថ្ងៃប៉ុណ្ណោះ បន្ទាប់ពីក្មេងប្រុសអាយុ១៤ឆ្នាំម្នាក់ ក៏ត្រូវបានត្រីឆ្លាមមួយក្បាល ខាំដាច់ជើងនៅឆ្នេរដដែលនេះ។

ការវាយប្រហារទាំងពីរ បានកើតឡើងក្នុងចម្ងាយពីគ្នា ៥០០ម៉ែត្រនៅឆ្នេរ Piedade ក្នុងទីក្រុង Jaboatão dos Guararapes នៃរដ្ឋ Pernambuco ប្រទេសប្រេស៊ីល៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ រកឃើញត្រីឆ្លាមទឹកជ្រៅអាកទិកមួយក្បាល នៅសមុទ្រ ការ៉ាប៊ីន